A kjoaʼáyanile je kʼien
Jósi...
-
... a jaon
-
... a mai
-
... tsakui nichxin
JE BIBLIA ITSO
“Kjoaʼáyale xi kʼen.” (Hechos 24:15, Nuevo Testamento en mazateco de Huautla de Jiménez, Oax.)
KJOANDA XI SʼENÁ NGA ʼYAA JEBI
Sinʼio tokoán kʼiatsa jngo xíngiaa kuiyá (2 Corintios 1:3, 4).
Alikui tikuijkónnilee je kjoabiya (Hebreos 2:15).
Tsjoáná kjoachoya nga jcha ijngokʼá je xíngiaa xi jekʼien (Juan 5:28, 29).
A KOAAN KOA̱NKJAINNÁ JOTSO JE BIBLIA
Jaon. Janla koya kataʼyaa anni:
-
Jé Niná kisinda ngatsʼi xi tjíokon. Je Biblia kʼoatso nga je Jeobá “tsjoáná kjoabijnachonná, kʼoa nga chjenjta, kʼoa kao ngayije tsojmi” (Hechos 17:24, 25; Salmo 36:9). Tsa koanle nga kitsjoale kjoabijnachon ngatsʼi xi tjíokon, alikui jao tjínná nga koa̱nle sikjaʼáyanile xi jekʼien.
-
Je Niná kisikjaʼáya kʼale chjota nichxin kjoatse. Jin chjota síkʼaxki̱ je Biblia xi kinikjaʼáyanile, xi xʼin kao xi yánchjín xi xti kao xi chjotajchínga, kʼoa chjota jebi tsjoá tsakatiokon ijngokʼani i̱ Sonʼnde. Tjínkʼa xi tiʼakʼia kinikjaʼáyanile nga kʼien, tonga jngo xi jeño nichxin kijnakʼien nga kinikjaʼáyanile (Juan 11:39-44).
-
Je Niná nʼio mele nga tsjoánile kjoabijnachon je kʼien. Je Jeobá nʼio jtike je kjoabiya kʼoa kontra tsole (1 Corintios 15:26). Nʼio mandosinle nga sikjaʼáyanile xi jekʼien, kʼoa kʼoasʼin kjoaʼaxinni je kjoabiya. Je Niná mele nga katabatiokon ijngokʼani i̱ Sonʼnde ngatsʼi xi jekʼien xi ya tjíojin kjoafaʼaitsjenle (Job 14:14, 15).
TIKJAʼAITSJENLAI JEBI
Tsa kʼoati meli jchai xi tʼatsʼe jebi
XI MACHJÉN NGA JCHAA
Jósʼin tjío xi jekʼien
Je Biblia kʼoatso nga kuicho nichxin nga kjoaʼáyanile ngatsʼi xi jekʼien, tojo koan je Lázaro.
XO̱N XI BÁJINKONNÁ
Ánni nga makjainsíniná nga sʼe̱ kjoafaʼáya
Jao koya tjínni xi bakóya ya Biblia ánni nga makjainniná tʼatsʼe kjoafaʼáya.
XI TʼATSAINJIN
Ánni nga machjénsíni nga chótʼayá je Biblia
Jngo tjíjtsa Sonʼnde miyón chjota xi jetjíobe jmeni xi nʼio kjonangile yaole kʼianga tjíokotʼaya Biblia. A tsí matsjoali nga kʼoati chótʼayai tsanda ji.
