KJOAʼMIYA 09

Nga bʼetsoaa machriantʼalee je Niná

TINÓʼYALAI NGA ÉN

A sakʼoa machjénli nga tjín xi koandiaali. A kje ʼya xi tsoyajinli jmeni xi chjonangilai yaoli. A machjénli nga ʼya xi tsjoánganʼioli kʼoa sinʼio tokuin. A meli nga ngisa koa̱nchriantʼalai je Jeobá. Je xi koasenkaoli, kuiní nga kʼoétsʼoai. Tonga, jósʼin tjínnele kʼoétsʼoaa. A nrʼoéle Niná ngatsʼi je chjota kʼianga bʼétsʼoa. Jósʼiain kʼianga kjuinrʼoéli Niná kʼianga kʼoétsʼoalai. Kataʼyala.

1. ʼYáni xi tjínnele kʼoétsʼoalee kʼoa jméni xi kuixoán kʼianga kʼoétsʼoaa

Je Jesús kʼoakitso nga toje Niná xi kʼoétsʼoalee. Je Jesús kʼoakisʼin, tojé Jeobá tsakʼétsʼoale. Ñandia nga i̱ kitso: “Jon kʼuisʼin tʼetsʼoao: Nʼainajin xi tijnai ngʼajmi” (Mateo 6:9). Kʼianga bʼetsʼoalee je Jeobá ngisaa mamiyoaa.

Kʼianga kʼoétsʼoaa koaan kʼoakʼuínlee je Niná tojmeni xi mená. Tonga tsa mená nga kjuinrʼoéná je Niná, likui koa̱n kui si̱jélee jmeni xi tsín sasénle. Je Biblia itso: “Tsa nijé tojmeni kjoa josʼin mele nga je, je nrʼoéná” (1 Juan 5:14). Je Jesús kʼoakitso jmeni xi koa̱n si̱jé kʼianga kʼoétsʼoaa (tʼexkiai Mateo 6:9-13). Ali tokuijin xi machjén nga yaoná si̱jéntjé, kʼoati machjén nga kʼoailee kjoanda je Niná jmeni xi títsjoáná, kʼoa kʼoakʼuínlee nga katabasenkao je chjota xi kjaʼaí.

2. Jósʼin tjínnele kʼoétsʼoaa

Je Biblia itso: “Kʼoatʼinlao [je Niná] jotjío je ni̱ma̱no” (Salmo 62:8). Tojo tso texto jebi, tjínnele nga ni̱ma̱ná kjuinroajinni jmeni xi kʼuínlee je Niná. Koaan tsa ñaki kuinókjoalee kʼianga kʼoétsʼoalee, kʼoa koaan tsa toya jinni̱ma̱ná kʼoakuixoán. Kʼianga kʼoétsʼoaa koaan kuise̱nxkónyʼiaan, koaan kuisenndoaa kʼoa koaan kuiyoaa. Je xi ngisa chjíle kuinga kao kjoaxkóntokon kʼoétsʼoanilee je Jeobá. Koaan kʼoétsʼoaa tojme horani kʼoa tojñani tiyoaa.

3. Jméni xi sʼín je Niná nga tsjoáná jmeni xi nijélee

Nkjín koya jmeni xi sʼín. Tobʼelañá, síchjén je Biblia kʼianga tsoyaná jmeni xi ñʼai maná. Je Énle Niná “síchjinee je xi tsínle kjoafaʼaitsjen” (Salmo 19:7; tʼexkiai Santiago 1:5). Kʼoa kʼianga kjoa tjínná, je Jeobá nyʼán bʼé je tokoán. Kʼoa kʼoati je Jeobá xosʼín nga binyakaoná je choʼndale kʼianga nganʼio machjénná.

KATAʼYASAI JME XI TÍNCHJA̱NI

Kataʼyala jósʼin kʼoétsʼoaa nga sa̱sénle je Niná kʼoa jósʼin basenkaoná kʼianga bʼetsʼoaa.

4. Xi tjínnele sʼiaan kʼianga kʼoétsʼoalee je Niná

Jméni xi machjén nga sʼiaan nga sa̱sénle je Niná kʼianga kʼoétsʼoalee. Chótsenlao VIDEO.

VIDEO: A nrʼoéle Niná ngatsʼi chjota kʼianga bʼétsʼoa (video xi tochoa tíjna) (2:42)

Je Jeobá kui xi mele nga toje kʼoétsʼoalee. Tʼexkiao Salmo 65:2 kʼoa cho̱bayaño jebi:

Jósingái ji, a mele je Niná kʼianga kʼoétsʼoalai. Ánni kʼoasʼin nikjaʼaitsjenni.

Tsa mená nga kjuinrʼoéná je Niná kʼianga kʼoétsʼoalee, machjén nga kʼoasʼin kjuintjenngiaa jotso je kjoatéxomale. Tʼexkiao Miqueas 3:4 kao 1 Pedro 3:12 kʼoa cho̱bayaño jebi:

Jókoa̱n sʼiaan kʼianga kjuinrʼoéná je Niná kʼianga kʼoétsʼoalee.

Tsakui nichxin je sondado kui síjéle Niná nga katanjele kjoajchán nga skaan kao kontrale, tonga kʼoati sʼín xi kontrale ma, a kjuinrʼoéle Niná je kjoabʼetsʼoale

5. Ni̱ma̱ná katanroajinni jme xi kuixoán nga kʼoétsʼoaa

Nkjín chjota xi kʼoaʼmile nga tikui tima kʼoakatatsoni jmeni xi jetjía jko̱ kʼianga kʼoetsʼoa. Tonga a sa̱sénle je Niná kʼiatsa kʼoasʼin kʼoétsʼoalee. Tʼexkiao Mateo 6:7 kʼoa cho̱bayaño jebi:

Jméni xi sʼiaan nga tsín tikui tima kʼoakuixónñá kʼianga kʼoétsʼoaa.

Tikjaʼaitsjain je kjoanda xi tjínli nichxin nganyaon kʼoa tʼailai kjoanda je Niná. Tsa kjaʼaí kja’aínile xi si̱kjaʼaitsjain nga nyaon nyaon, jchaní nga tsín tikui tima én kanichjénni kabʼajnda xomana kʼianga kabʼetsʼoai.

Kʼianga fákaonajmí je ʼndíle jngo nʼai kui xi mele nga ni̱ma̱le katanroajinni jmeni xi kuitso. Je Jeobá kʼoati kui xi mele nga ni̱ma̱ná katanroajinni jme xi kuixoán kʼianga kʼoétsʼoalee

6. Je kjoabʼetsʼoa jngoo kjoatjaole Niná

Jósʼin tsjoánganʼioná kʼianga bʼetsʼoaa, ngisaa kʼianga ñʼai tjín je kjoa xi bitjatojiaan. Chótsenlao VIDEO.

VIDEO: Nga bʼetsʼoaa basenkaoná nga chókjoajinná je kjoa xi bitjatojiaan (1:32)

Je Biblia kʼoatso nga nyʼán sʼe tokoán kʼianga bʼetsʼoaa. Tʼexkiao Filipenses 4:6, 7 kʼoa cho̱bayaño jebi:

Jósʼin basenkaoná kʼianga bʼetsʼoaa ninga tsín tjoxinná je kjoa xi bitjatojiaan.
Jméni xi meli si̱jái kʼianga kʼoétsʼoai.

A ʼyaní

Je én xi amén tso, “kʼoakatama” sʼin tsoyanile. Saʼnda nichxin kjoatse “amén” tso je chjota kʼianga jebʼétsʼoa (1 Crónicas 16:36).

7. Chʼa̱sjeʼai nichxin nga tʼetsʼoai

Sakʼoa tse xá tjínná kʼoa tochajinná nga bʼetsʼoaa. Jókji chjí tsabekon je Jesús kʼianga tsakʼétsʼoa. Tʼexkiao Mateo 14:23 kao Marcos 1:35 kʼoa cho̱bayaño jebi:

Jméni xi kisʼin je Jesús nga tsakʼasjeʼa nichxinle kʼianga tsakʼétsʼoa.
Kʼoa ji, jméni xi sʼiain nga chʼa̱sjeʼai nichxinli kʼianga kʼoétsʼoai.

TJÍNKʼA XI I̱ TSO: “Toxitsjoa kʼianga bʼetsʼoaa nga̱ tsín ʼya xi nrʼoéná”.

Jósingái ji.

XI KACHOTʼAYÁ

Kʼianga ni̱ma̱ná nroajinni nga bʼetsʼoaa ngisaa machriantʼalee je Niná. Nyʼán sʼe tokoán kʼoa sʼená je nganʼio xi machjénná nga kui kʼoanʼia xi sasénle je Jeobá.