Je chjota kui xi mele nga kixi katama je miyole. Kʼoa je Jeobá kʼoati kui xi mele. Tonga nʼio ñʼai maná nga kixi maa, nga̱ ñaki tokjoachʼanacha tjín sonʼnde. Jmé kjoanda xi sokóná kʼianga kixi maa.

1. Ánni nga nʼio chjínile nga kixi maa

Kʼianga kixi maa kʼoasʼin bakonilee je Jeobá nga ʼyaxkoán kʼoa nga tsjoachaa. Kuenta tʼiain nga je Jeobá be josʼin nikjaʼaitsjeen kʼoa jmeni xi nʼia (Hebreos 4:13). Je Jeobá be kʼianga kui kʼoanʼia xi kixi tíjna kʼoa nʼio chjí be. Ya Biblia itso: “Je Jeobá jtikee je chjota xi chʼao kjoan, tonga nʼio miyole mani je chjota xi kixi” (Proverbios 3:32).

2. Jósʼin koakoá nga kixi maa

Nga kui kʼoanʼia xi sasénle Jeobá, kui xi tsonile nga ñaki kui xi kʼoatjín chjakoaa xíngiaa (Zacarías 8:16, 17). Alikui koa̱n nga kʼoéndisolee je xíngiaa, je chjota xi ñatjen nixá, je ndsʼee xi tjío ya jinjtín kʼoa kao je chjotaxá. Je chjota xi kixi alikui síché kʼoa alikui bʼanacha (tʼexkiai Proverbios 24:28 kao Efesios 4:28). Xi ijngosani, kʼoati bʼéchjí je tao̱nbasen (Romanos 13:5-7). Tjínnele nga nda koanngínkoaa yaoná tojmeni xi sʼiaan (Hebreos 13:18).

3. Jósʼin bichómani kʼianga kixi maa

Kʼianga chjotakixi maa, sínʼiotʼaná xi kjaʼaí. Xi ijngosani, nda biyoaa kʼoa manʼiotʼaná je ndsʼee xi tjío ya jinjtín, joxi tojngo familia sʼin biyoaa. Nga kixi maa kʼoati nda sʼe tokoán. Xi ijngosani, nda bʼaxki̱ “je kjoafaʼaitsjenle Niná xi bʼasjentjainá”. Tsa kʼoasʼiaan tsakui nichxin kuinyakao xi kjaʼaí nga kʼoati je Jeobá sixále (Tito 2:10).

 KATAʼYASAI JME XI TÍNCHJA̱NI

5. Kixi katamaa ngantsjai

 6. Nga kixi maa basenkaoná

Tsakui nichxin sakʼoa kjoa kuichomani kʼianga kixi koaan. Tonga nga koa̱nskanni nda kuichomani. Tʼexkiao Salmo 34:12-16 kʼoa cho̱bayaño jebi:

• Jósʼin basenkaoná kʼianga kixi maa.

1. Kʼianga kixi male je xínkjín xi jechixan ngisaa nda batio

2. Kʼianga kixi jmeni xi sʼín jngo chjota ya tʼaxále, je naile be nga koa̱n sinʼiotʼa chjota jebi

3. Kʼianga kixi ma je chjotanaxinandá nda batio ngixko̱n chjota xi xá tjínle

 XI KACHOTʼAYÁ

Je Jeobá kui xi mele nga kixi katama je miyole tojmeni xi sʼin kʼoa tojmeni xi kuitso.

Jmé xi kamajinli

• Jósʼin koakoá nga kixi maa.

• A koaan kʼoéʼmalee je Jeobá jmeni xi nʼia.

• Ánni ndatjínsíni nga kixi koai̱n ngantsjai.