KJOAʼMIYA 44
A sasénle Niná tojme sʼuíni
Je Jeobá kui xi mele nga kʼoétsaojiaan kʼoa nga chʼa̱sje sakʼoa sʼuí. Tonga a sasénle Niná tojme sʼuíni. Jósʼin koakoá nga tsjoachaa Niná kʼoa nga mandosinná josʼe kon.
1. Ánni nga tsín tosasényejenile Jeobá je sʼuí
Tokʼoajin koa̱nli nga jchai nga nʼio nkjín sʼuí xi ya religión ndiso kinroani kʼoa nga kui tsoya jmeni xi kontra tíjnale jotso Biblia. Tjínkʼa xi kjoabʼenda tjenkao kʼoa tjínkʼa xi kui xá bʼasjeni chjota nga kʼoasʼin makjainle nga xin mangián kʼianga jemʼee. Xi ijngosani, sakʼoa tokui nga kʼoasʼínni je chjota nga kʼoasʼin makjainle nga suerte sʼe̱le tsa kʼoasʼin kʼoa nga tjín xi koa̱nle tsa tsín kʼoasʼin (Isaías 65:11). Kuinga i̱ tsosínile Jeobá je cho̱ʼndale: “Tinyatʼaxinlao [...] kʼoa li nikaojion je xi chʼao kjoan” (2 Corintios 6:17). a
2. Jósʼin síkjaʼaitsjen je Jeobá tʼatsʼe je sʼuí xi chjota bʼasjengʼa
Je Jeobá kʼoatsoná nga tsín kʼoasʼiaan josʼín je xi tochjota sínʼiotʼa. Tsa kʼoasʼiaan jngoo che̱n jetíkayaa (tʼexkiai Jeremías 17:5). Sakʼoa je bitjole sʼuí je chjotaxá, je bandera, kʼoa tsa je xi kʼienntjai naxinandá. Kʼoati tjín sʼuí xi kui xá bitjoni nga tsakʼejnandaí je naxinandá (1 Juan 5:21). Kʼoa tjín sʼuí xi kjoa política kao xi kjoasi kaníbason. Jósʼe̱ kon je Jeobá kʼiatsa si̱kʼatoné choa̱le josʼin jcha̱xkoán jngo chjota kʼoa tsa jngo jtín, ngisaa tsakui kaníbason xi kontra tíjnale jme xi mele Niná.
3. Jméni xi sʼín chjota, xi bakó nga tsín nda tíjna je sʼuí xi tjíobʼasje
Je Biblia bʼéchjoa “kjoachʼi̱, kao kjoabichisjue, kao kjoabichisʼuía” (1 Pedro 4:3). Tjínkʼa sʼuí jñani ñaki síchangale yaole chjota jmeni xi sʼín kʼoa tokjaʼaíngása sʼín. Tsa mená nga tosi tonda miyole Jeobá koaan, tjínnele nga tsín ya kuinójiaan yaoná je sʼuí xi chʼaosʼin sikatíoná ngixko̱n.
KATAʼYASAI JME XI TÍNCHJA̱NI
Kataʼyala jókoa̱n sʼiain kʼianga sʼuí bʼasje je chjota ánni nga tsjoa kjoáyani kon je Jeobá.
4. Alikuijin chʼasjai je sʼuí xi chʼaosʼin síkʼéjna je Jeobá
Tʼexkiao Efesios 5:10 kʼoa cho̱bayaño jebi:
-
Jméni xi tjínnele kuenta sʼiaan kʼiatsa jngo sʼuí chʼa̱sjee.
-
Jñánile je sʼuí xi bitjo ya ʼndeli.
-
Jósingái ji, a sasénle je Jeobá je sʼuí jebi.
A saje kinikjaʼaitsjain tsa sasénle je Jeobá nga sʼuínóle bʼasje je chjota. Nijñajinla kʼoatso je Biblia tsa sʼuínóle tsakʼasje je choʼndale Niná xi tsakatio nichxin kjoatse, tonga jao chjota síkʼaxki̱ xi tsín je Jeobá tsabexkón xi sʼuínóle tsakʼasje. Tʼexkiao Génesis 40:20-22 kao Mateo 14:6-10 kʼoa cho̱bayaño jebi:
-
Jmé xi koan kʼianga kisatio sʼuí jebi.
-
Nga jekabʼexkiaa jmeni xi koan, jósingái ji, jósʼin síkjaʼaitsjen je Niná kʼianga sʼuínóle bʼasje je chjota.
Tsakui nichxin i̱sí: “A chʼao sʼe̱ kon je Jeobá tsa sʼuínó kʼoasje kʼoa tsa ya kjuíaje̱ jñani kui sʼuí tíbitjo xi tsín sasénle”. Tʼexkiao Éxodo 32:1-8. Xijekoa̱n, chótsenlao VIDEO kʼoa cho̱bayaño jebi:
-
Ánni machjénsíni nga jchaa jmeni xi sasénle Jeobá.
-
Jókoa̱n sʼiaan nga jchaa jmeni xi sasénle Jeobá.
Jókoa̱nni jchaa jñánile sʼuí xi tsín sasénle Niná
-
A kui kʼoama jmeni xi kontra tíjnale jotso Biblia. Nga jchai jebi tjasjaiyai jñá kinroani.
-
A bandera, a jngoo jtín kʼoa a chjota bʼasjengʼa. Xi ñá tojé Jeobá chʼasjengʼaa kʼoa ʼyañá nga toje xi koa̱nle kʼoendajin je kjoa xi tjín i̱ Sonʼnde.
-
A kui kʼoasʼín je chjota jmeni xi kontra tíjnale jotso Biblia. Tjínnele kʼoasʼin kjuinkoaa yaoná jotso je kjoatéxomale Niná.
5. Ngasin nganda tʼinyalai xi kjaʼaí ánni nga skoe̱xkónni josʼin makjainli
Sakʼoa ñʼai maná kʼianga bʼénená xi ngikʼa nga kui si̱siaan jngo sʼuí xi tsín sasénle Jeobá. Takolai kjoaxkóntokon kʼoa ngasin nganda tʼinyalai ánni nga tsín kʼoanʼiani, nga jchai jokisʼin jngo chjota xi kui kjoa jaʼatojin, chótsenlao VIDEO.
Tʼexkiao Mateo 7:12 kʼoa cho̱bayaño jebi:
-
A koaan ji kʼoakʼuínlai jngo xíngi xi tsín kʼoasʼin makjainle joni ji nga tsín koa̱n kʼoasje jngo sʼuí.
-
Jósʼin koakolee xíngiaa nga chjí ʼyaa kʼoa nga tsjoachaa ninga tsín chʼasjee je sʼuí xi bʼasje.
6. Je Jeobá kui xi mele nga tsjoa katasatío tokoán
Je Jeobá sasénle kʼianga bʼetsaojinkoaa xíngiaa kʼoa kao miyoná. Tʼexkiao Eclesiastés 8:15 kʼoa cho̱bayaño jebi:
-
Tojo tso texto jebi, jómani ʼyaa nga kui xi mele Jeobá nga tsjoa katasatío tokoán.
Je Jeobá kui xi mele nga katabʼétsaojin je choʼndale kʼoa nga tsjoa katasatío kon. Chótsenlao VIDEO ánni nga jchasíni joma kʼianga satío kjoajtíntse jñani nkjín naxinandá faʼaini xi bichó.
Tʼexkiao Gálatas 6:10 kʼoa cho̱bayaño jebi:
-
A tokʼiaa koa̱n koakolee kjoanda xíngiaa kʼianga sʼuí satío.
-
Jméni xi ngisa tsjoa kʼoe tokuin, a kʼiaa nga ni̱ma̱li kjuinroajinni nga tjín xi kʼoailai xíngi axo kʼiaa nga tokui kʼoasʼianni nga sʼuí tísʼejna.
-
Tjínkʼa ndsʼee xi kʼoasʼin bʼéndajin nga tjín xi sʼín kao ʼndíxtile kʼoa saʼnda tjín xi tsjoákjoatjaole. Tsa ʼndíxti tjíoli, jméni xi koa̱n kʼoéndajion nga sʼiaon.
TJÍNKʼA XI I̱ TSO: “Alijmela xi be jñá jinroani sʼuí, tokuila xi nʼianilee nga bʼetsaojin ngotjoá kao miyoná kʼoa kao xíngiaa”.
-
Jósingái ji.
XI KACHOTʼAYÁ
Je Jeobá kui xi mele nga kʼoétsaojiaan kao xíngiaa kʼoa kao miyoná, tonga alikui mele nga kui sʼuí chʼa̱sjee xi tsín sasénle.
Jmé xi kamajinli
-
Jméni xi tjínnele si̱kjaʼaitsjenjiaan nga jchaa tsa sasénle je Jeobá je sʼuí xi satío.
-
Jósʼin kʼuínyalee je xíngiaa kʼoa tsa miyoná nga katamajinle ánni nga tsín chʼasje kʼañá je sʼuí.
-
Jómani ʼyaa nga kui xi mele je Jeobá nga kʼoétsaojiaan kʼoa nga tsjoa katasatío tokoán.
XI KOASENKAOSALI
Kataʼya kʼai je sʼuí xi tsín bʼasje je chjotale Cristo.
“Ánni nga tjín kʼani sʼuí xi tsín bʼasje je testigole Jeobá” (Yaa faʼaitʼa ya Internet ya jw.org)
Ñola koya tjínni xi kataʼyaa xi bakó nga tsín sasénle Niná nga sʼuínó bitjo.
Kataʼyai jmé xi koa̱n s’in je xti’ndí nga tsjoa k’oe kon Jeobá k’ianga s’uí satío.
Millón mani je chjotale Cristo xi tsín bʼasje Navidad kʼoa tsjoa tjío kon.
“Ngisaa tsjoa tjío kon jmeni xi tjíosʼín ndʼaibi” (La Atalaya, 1 de diciembre de 2012)
Tsa kʼoati meli jchai xi tʼatsʼe jebi
XI NʼIO KJONANGI CHJOTA
Jósʼin bakoyalaijin Énle Niná je chjota
Nga kʼuínyali Biblia koaan si̱chjain tojñanile Biblia xi kijnali, koaan kʼoakʼuínlai familiali, miyoli kʼoa toʼyani xi meli.
