KJOAʼMIYA 57
Jméni xi koa̱n tsa tse jée kuijnyí
Ninga nʼio tsjoachai je Jeobá kʼoa ninga tsín meli nga aon kʼoái ni̱ma̱le sakʼoajin so̱kojéeli. Tjín jée xi nʼio ai tjío (1 Corintios 6:9, 10). Tsa tse jée so̱koli, kuenta tʼiain nga je Jeobá tojo tsjoakeli, kʼoa tíjnandaa nga sichatʼali kʼoa nga koasenkaoli.
1. Jméni xi tjínnele sʼiaan kʼianga sichatʼaná je Jeobá
Kʼianga sokójéele jngo xi tsjoake je Jeobá nʼio ba sʼe kon. Tonga je Jeobá itsole, tojo kitsole je naxinandále nichxin kjoatse: “Ningalani ñaki ní kjoan je jéeno, ñaki koa̱nkjoanxóxó joni tsa nyʼán” (Isaías 1:18). Tsa kʼoakoa̱nniná je jée xi kabijnyaa, je Jeobá sichatʼaná. Tonga tjínnele nga ñaki kʼoakoa̱nniná kʼoa nga tsín tikʼoasʼianñá, kʼoa kʼoakʼuínlee je Jeobá nga katasíchatʼaná. Kʼoénelee yaoná nga si̱kʼantjaiyaa josʼin nikjaʼaitsjeen, tsín tikui kʼoasʼianñá jmeni xi jée kakaníjinná kʼoa kʼoasʼin koanngínkoaa yaoná jotso je kjoatéxomale Jeobá (tʼexkiai Isaías 55:6, 7).
2. Kʼianga sokójéená, jósʼin síchjén Jeobá je xi chjotajchínga sʼin tjío
Je Jeobá itso kjoafaʼaitsjen xi tsjoále je xi tse jée kabajngi: “Katanchja̱le chjotajchínga xi tsʼe chjotale Cristo” (tʼexkiai Santiago 5:14, 15). Chjota jebi tsjoake je Jeobá kʼoa kao je ndsʼee, kʼoa kao nganʼiotsjele Niná kitjoejinni. Kui xá tjíoni nga kuinyakaoná nga koa̱nmiyo ijngokʼá je Niná (Gálatas 6:1).
Jósʼin binyakaoná je xi chjotajchínga sʼin tjío kʼianga tse jée bijnyaa. Tsa jao kʼoa tsa jan koa̱n xi chjotajchínga sʼin tjío xi kuinyakaoná. Kui Biblia sichjén nga koakoyaná ánni nga chʼaotjínni jmeni xi kinʼia. Kʼoati sinʼiojinná kʼoa tsjoáná kjoafaʼaitsjen xi koasenkaoná nga tsín tikui jée kuijnyíñá. Tsakui nichxin kʼoakuitsoná nga tsín tijme xá xi koa̱n sʼian choatseñá ya jinjtín saʼnda nga nda kuiyo ijngokʼá ngixko̱n Niná. Tonga tsa kʼialani nga tsín kʼoakoa̱nnile jéele jngo chjota xi tse jée kabajngi, je xi chjotajchínga sʼin tjío kʼaonsjejin ya jinjtín, nga̱ kʼoasʼin sikuindani je ndsʼee xi ngikʼa ánni nga tsín kʼoatisʼinni tsanda je.
KATAʼYASAI JME XI TÍNCHJA̱NI
Chjí jchai kʼoa nda katamajinli jme xi sʼín je Jeobá kʼianga basenkaoná nga tse jée bijnyaa.
3. Kʼianga bʼejnatseen je jée xi bijnyaa kui xi basenkaoná nga nda biyo ijngokʼá
Tojmeni je jée xi kuijnyá aon sʼe kon je Jeobá, kuinga machjénsíni nga kʼoéyanajmílee kʼiatsa kabijnyijée. Tʼexkiao Salmo 32:1-5 kʼoa cho̱bayaño jebi:
-
Ánni nga ndatjínsíni nga kʼoakʼuínlee je Jeobá je jée xi kabijnyaa ʼndele nga kʼoéʼmaa.
Kʼianga jekʼoakaʼmilee je Jeobá je jée xi kabijnyaa, ngisaa tinda sa̱tíongáni tokoán kʼiatsa kʼoakʼuínlee je xi chjotajchínga sʼin tjío nga katabinyakaoná. Chótsenlao VIDEO kʼoa cho̱bayaño jebi:
-
Jósʼin tsakinyakao je xi chjotajchínga sʼin tjío je Canon nga kisichriantʼa ijngokʼale Jeobá.
Nʼio machjén nga kʼoakʼuínlee je xi chjotajchínga sʼin tjío jmeni xi kanʼia, nga̱ kui xá tjíoni nga kuinyakaoná. Tʼexkiao Santiago 5:16 kʼoa cho̱bayaño jebi:
-
Jósingái ji, kʼiatsa kʼoéyanajmílee ngayeje jmeni xi kanʼia je xi chjotajchínga sʼin tjío, a ngisaa skoe̱ josʼin kuinyakaoná. Ánni.
Tʼejnatsain je jéeli, kʼoatʼinyejelai je xi chjotajchínga sʼin tjío jmeni xi kanʼiai kʼoa titjosuin jme xi kʼuínli
4. Kʼianga jngo xi bichonsjejin ya jinjtín kjoanda tsaanñá ngatsʼiaa
Kʼiatsa jngo xi tse jée kabajngi, kʼoa tsa tsín mele sitjoson je kjoatéxomale Jeobá bichonsjejin ya jinjtín. Alikui tije nimiyoñá kʼoa alikui tinokjoanilee. Tʼexkiao 1 Corintios 5:6, 11 kao 2 Juan 9-11 kʼoa cho̱bayaño jebi:
-
Nga sísan ngayeje naʼyo̱ ninga tochoa naʼyo̱san. Jósingái ji, a kʼoetʼaná xi ya tiyoaa ya jinjtín kʼiatsa je kjoájtaa je chjota xi tsín kʼoamanile je jée xi kabajngi. Ánni.
Nkjín xi jetsakichonsjejin tsakai ya jinjtín xi jenda tjío ijngokʼani ngixko̱n Niná. Ánni. Kuinga tsakinyakao nga tsakichakjáyale ninga aon koanle (Salmo 141:5). Chótsenlao VIDEO kʼoa cho̱bayaño jebi:
-
Jósʼin tsakasenkao je Sonia kʼianga kʼoasʼin tsakichonsjejin ya jinjtín.
Kʼianga ʼya xi bichonsjejin ya jinjtín jósʼin...
-
ʼyaxkón je jaʼaínle Jeobá.
-
sakó nga kixi je Jeobá kʼoa nga tsjoakená.
5. Je Jeobá síchatʼaná kʼiatsa kʼoakoa̱nniná je jéená
Je Jesús jngo choa̱ tsakʼéjna xi basenkaoná kʼianga majinná jósʼe kon je Jeobá kʼianga kʼoamanile jngo xi jée kabajngi. Tʼexkiao Lucas 15:1-7 kʼoa cho̱bayaño jebi:
-
Jméni xi bakóyaná tʼatsʼe Jeobá choa̱ jebi.
Tʼexkiao Ezequiel 33:11 kʼoa cho̱bayaño jebi:
-
Jméni xi machjén nga sʼiaan tsa kʼoama kjoaixininá je jéená.
Je Jeobá yaa mangóson jngo xi cho̱ koʼnda, nʼio mandosinle je choʼndale
TJÍNKʼA XI I̱ TSO: “Alikui tso tokoan nga kʼoaxinle je xi chjotajchínga sʼin tjío jmeni xi kisʼian, nga̱ tsa kʼoaxínle kʼaonsjejinjinna ya jinjtín”.
-
Jméni xi kʼuínlai tsa ʼyani xi kʼoatso.
XI KACHOTʼAYÁ
Tsa nʼio tse jée kabijnyaa tonga tsa kʼoakoa̱nniná jmeni xi kanʼia kʼoa tsa tsín tikʼoasʼianñá, je Jeobá sichatʼaná.
Jmé xi kamajinli
-
Ánni nga ndatjínsíni nga kʼoéyanajmílee je Jeobá je jée xi kabijnyaa.
-
Jméni xi tjínnele sʼiaan kʼianga sichatʼaná je Jeobá.
-
Tsa tse jée kabijnyaa, ánni nga ndatjínsíni nga si̱jélee nganʼio je xi chjotajchínga sʼin tjío.
XI KOASENKAOSALI
Kataʼyai jósʼin tsakasenkao jngo chjota je kjoamatokon xi bakóná je Jeobá, tojo tso ya Isaías 1:18.
Alikui jao kʼoé tokoán nga bakóná kjoamatokon je Jeobá (5:02)
Jósʼin basenkao jngo chjota kʼianga bichonsjejin ya jinjtín kʼianga jée bajngi.
Kataʼyai jósʼin kʼuínyalai je xi tsín testigole Jeobá ma josʼin tíjna kʼianga ʼya xi bichonsjejin jinjtín.
“A tsín tifákaoni je xi tsín tiya tjíojinni religiónle” (Yaa faʼaitʼa ya Internet ya jw.org)
Tʼexkiai tʼatsʼe jngo chjota xi kʼoatso nga je Jeobá jaʼaikao ijngokʼani jinnaxinandále ya jñani tso: “Koanmena kisichriantʼa ijngokʼale je Jeobá”.
“Je Biblia síkʼantjaiyaa chjota” (La Atalaya, 1 de abril de 2012)
Tsa kʼoati meli jchai xi tʼatsʼe jebi
XI NʼIO KJONANGI CHJOTA
Jósʼin bakoyalaijin Énle Niná je chjota
Nga kʼuínyali Biblia koaan si̱chjain tojñanile Biblia xi kijnali, koaan kʼoakʼuínlai familiali, miyoli kʼoa toʼyani xi meli.
