KJOAʼMIYA 6
Ndasʼin tʼinyai je testo xi tsʼe Biblia
Hechos 17:2, 3
XI BAKÓYANÁ: Ali tojngojin testo bʼexkiai kʼoa ali nikʼantjaiyajin jme xi tisi. Katamajinle xi tínrʼoéli josʼin mangóson je testo xi kabʼexkiai kao jmeni xi kaʼmilai.
JÓKOA̱N SʼIAIN:
-
Tikʼaxki̱ jmeni xi nʼio tjínle kjoandosin. Kʼianga jekʼoéxkiai jngo testo, kʼoasi je én xi nʼio chjíle xi mangóson kao jmeni xi tiʼmiyai. Koaan nkjín kʼa kʼoasi je én xi nʼio tjínle kjoandosin kʼoa tsa maije̱ jngo kjoachjonangi tʼejnai xi koasenkao je xi tínrʼoéli nga katamajinle.
-
Nkjín kʼa tikʼaxki̱ je én xi meli nga katasʼejinle je xi tínrʼoéli. Kʼiatsa kʼoasí ánni nga kui testo tinichjénni, kʼoati tʼinyai jósʼin mangóson kao jmeni xi kaʼmiyai.
-
Choa ñʼai sʼin tʼinyai. Tokuikjoan tʼinyai jmeni xi nʼio tjínle kjoandosin. Kuenta tʼiain jokji tjen machjén nga kʼuínyalai je chjota kʼoa jokji tjen jebe jmeni xi tiʼmiyalai.
