Jméni xi meli nga katamajinle. Tikjaʼaitsjain jmé xá tibʼendani je kjoanokjoayali, a kuinga kjoájinkuin xi tjíonrʼoéli, a kuinga sʼe̱jngo kon axo kuinga si̱nʼiojin. Kui jebi xi kuenta tʼiain nga kʼoéndai je kjoanokjoayali. Kʼianga kʼoasí jmeni xi nʼio chjíle, katamajinle je xi tjíonrʼoéli ánni nga kui kjoanokjoaya tibʼaini.

Tikʼaxki̱ joʼmi je kjoanokjoayali. Kʼianga tibʼai je kjoanokjoayali, nkjín kʼa tikʼaxki̱ jmeni xi nʼio tínchja̱ni.

Kui én xi choa ñʼai tichjain kʼoa xi sasa majinniná nga si̱kʼaxki̱ jmeni xi nʼio chjíle. Tokui chjoéjin jmeni xi mangóson joʼmi je kjoanokjoayali kʼoa xi koa̱n kʼuínyai jokjitse bʼakaoli. Kʼoa kui chjoéjin kʼai jmeni xi nʼio tínchja̱ni kʼoa nda tʼinyai. Tisejnakjáyakoai kʼoa ali ngotjo ngosajin nikʼantjaiyajinni jmeni xi sí.