A choa ñʼai tíjna nga nitjosonlee je paná kao maná... Sakʼoaa ñʼai maná, a tsí jaon. Tonga jméni xi koasenkaoli nga si̱tjosonlai je pali kao mali. Kui choa̱le Jesús. A tjínjinli kʼianga kisitjosonle ngantsjai je Jeobá kʼoa kao xi xijchále koanni... Kataʼyalasaa xi tʼatsʼe Jesús.

Kʼianga kjesa faʼaijin je Jesús i̱ Sonʼnde, yaa tíjnakao je Nʼaile ya ngʼajmi. Tonga kʼianga jejaʼai i̱ Sonʼnde, kʼoati kisʼe jngole nʼai kʼoa jngo na̱. Jéní xi José kʼoa xi María tsakʼin. A meli jchai jókoanni nga xijchále koan...

Kʼianga koan kitsin je Jesús i̱ Sonʼnde, tokʼoamaná jmeni xi kisʼin je Jeobá. Kiskoé je kjoabijnachonle Jesús nga tíjna ya ngʼajmi, kʼoa yaa kisikʼéjnaya yatsʼoa̱ María. Je Jesús ñajan sá koanjcháya tsʼoa̱ je María, tojo ma ngatsʼi je ʼndílee kʼoa kʼiaa kitsin. Kʼoakoanni nga kisʼele María ʼndí jebi. Jé María kʼoa kao José kisijchá je Jesús.

Jmeni xi kisʼin je Jesús kʼianga tejao nóle kui tsakakó nga tsjoake je Jeobá, je Nʼaile xi tíjna ngʼajmi. Jebi kʼiaa kʼoakoan kʼianga ki ya Jerusalén. Kui xá kini nga je Jeobá kikʼétsʼoale. Kʼianga jetjíonroani niʼyale, kʼiaa tsabe je José kao María nga tsín ya tje̱nkao je Jesús. A ʼyaní jmeni xi kisʼin je José kao María...

Kjitʼanangi ki ijngokʼani ya Jerusalén nga kikásjai je Jesús. Jan nichxin tsakásjai ngakjijnda. Nʼio koankjaojinle tonga tochan koansjaile. A ʼyaní jñáni tíjna je Jesús... Yaa yo̱ngo̱ tíjna. A ʼyaní anni nga ya tíjnasíni. Kuinga ya tíjnani nga̱ yaa jñani nʼiosa tse xi kʼuínyale xi tʼatsʼe Jeobá. Je Jesús tsjoake koan je Jeobá kʼoa kui koanmele kʼoasʼin jmeni xi tsjoa koayani kon. Kʼianga jekoanjchínga je Jesús tosi tonda kisitjosonle je Jeobá. Kisitjosonle ngantsjai ninga sakʼoa ñʼai koanle, nga̱ tsakatio chjota xi totaon tsabe. A kʼoati kisitjosonle je José kao María, jósi ngái ji... Jaon, je Biblia kʼoatso nga kisitjosonle.

A kaʼyaní kʼianga kisitjoson ngantsjai je Jesús... Jméni xi bakóyaná je choa̱le. Ninga sakʼoa ñʼai maná, si̱tjosonlee ngantsjai je paná kao maná. Kʼoa ji, a si̱tjosonlai...