Én xi fitsʼiani
Je Nʼainá xi tíjna ngʼajmi nʼio tsjoakená (1 Pedro 5:6, 7)
Jé kisindaná kʼoa jé tísíkuindaná. Tojosʼín jngo nʼai xi tjínle kjoafaʼaitsjen kʼoa xi tsjoake ʼndíxtile nga kui ndiaa xi nda mjénle, je Niná kʼoatisʼin tsoyale je chjota josʼin nga nda koatio.
Nʼio chjíle jmeni xi bakóyaná Niná, tsjoa bʼé tokoán kʼoa tse kjoachoya tsjoáná.
Kʼiatsa ñá xi kuinóʼyalee je Niná, jé koandiaaná, jé sikuindaná kʼoa jé koasenkaoná kʼianga ska̱ná je kjoa xi kuitjátojiaan.
Xi ijngosani, tsjoáná kjoabijnachon xi tsínkʼia fetʼa.
I títsoná je Niná: “Nroachonnáo. Tinóʼyao, kʼoa kuiyochonño” (Isaías 55:3)
Tsa kʼoati meli jchai xi tʼatsʼe jebi
XI MACHJÉN NGA JCHAA
A tjínle jaʼaín je Niná
Nkjín koya josʼin ʼmile Niná, jolani xi kisindaná, Señor kʼoa Nʼainá. Tonga je xi ñaki jaʼaínle kjoanni ñatola jmi kʼa faʼaitʼa ya Biblia.
