KJOAʼMIYA 13
Jméni xi sasénle Niná kʼoa jméni xi tsín sasénle
Kʼoéchjoalee yaoná je xi chʼaotjín (1 Corintios 6:9, 10)
Kʼiatsa tsjoachaa je Jeobá, alikuijin kui kʼoasʼiaan jmeni xi jtike.
Je Jeobá alikui mele nga si̱ché, nga koa̱nchʼiaa kʼoa nga droga si̱koaa.
Je Niná alikui sasénle nga ʼndílee sʼetsaojenchjiʼndé, nga chjota nikʼien, nga tixʼin kʼoa nga tiyánchjín xínkjín fayokaoni chjota, nga xkaiʼa maa kʼoa nga xíngiaa bʼelee.
Alikui koa̱n xkóson kʼoétsʼoalee kʼoa alikui koa̱n kui si̱siaan kjoabʼenda, kjoatjiʼe kao kjoataon.
Ya sonʼndenaxó alikui tisʼe̱ni je chjota xi kui xá male.
Kui kʼoatʼiain xi ndatjín (Mateo 7:12)
Kʼianga nda sa̱sénle Niná xi tʼatsaan tjínnele chjénngilee jokjoan.
Koakolee kjoanda xíngiaa kʼoa kʼoailee tsa jme xi machjénle.
Alikui koa̱n chʼa̱nachaa.
Katasʼeli kjoamatokon kao kjoanichatʼa.
Tʼinyalai chjota jotjínni tʼatsʼe Jeobá (Isaías 43:10).
Tsa kʼoati meli jchai xi tʼatsʼe jebi
XI MACHJÉN NGA JCHAA
A sasénle Niná ngatsʼi religión
Nkjín chjota xi kʼoatso nga nda ngayeje je religión.
XI TʼATSAINJIN
Ánni nga machjénsíni nga chótʼayá je Biblia
Jngo tjíjtsa Sonʼnde miyón chjota xi jetjíobe jmeni xi nʼio kjonangile yaole kʼianga tjíokotʼaya Biblia. A tsí matsjoali nga kʼoati chótʼayai tsanda ji.
