Xi tínchja̱ni 10
Je Jeobá Rey sʼin tíjnale ngayeje jme xi tjín kʼoa male kʼoasʼín tojmeni. Tobʼelañá, tsakʼasjentjai Jeremías nga kinikʼatjenya xjáonandá xi ndási nya. Kʼoati tsakʼasjentjai Sadrac, Mesac kao Abednego nga jngo nga̱já xi tífaʼájnga̱ kisʼetsaoya. Kʼoa tsakʼasjentjai je Daniel nga kinikʼatjenjinle xa. Kʼoati tsakasenkao Ester nga tsakʼasjentjai naxinandále. Je Jeobá alikui tsjoáʼnde nga to kjoatsʼen sʼe̱ntsjai. Je én xi tongini kinokjoa tʼatsʼe xkóson xi tsabe Nabucodonosor kao yáje xi tsabe ya yanijñále kui bakóyaná nga jeme kjoaʼaxin xi chʼaotjín je Chjotaxále Jeobá kʼoa tojé koatexoma jngo tjíjtsa Sonʼnde.
KUI FAʼAITʼA JEBI
KJOAʼMIYA 57
Je Jeobá kʼoakitsole Jeremías nga katatsoyason
Jme xi kitso je profeta Jeremías nʼio kisijtile je chjotajchínga xi tjío ya Judá.
KJOAʼMIYA 58
Nga kichonikje Jerusalén
Kuinga kitsjionkonni Jeobá je naxinandá Judá nga niná ndiso tsakʼétsʼoale.
KJOAʼMIYA 59
Ño xti xi kisitjosonle Jeobá
Ño xti judío xi ñaki kʼoatsakʼé kon nga kixi koaitʼale Jeobá ninga ya tjío ngixko̱n Nabucodonosor reyle Babilonia.
KJOAʼMIYA 60
Jngo chjotaxá xi kʼoéjna ngantsjai nichxin
Je Daniel tsakʼéyanajmí josʼin tsoyanile je nijñá xi tsakʼaile je Nabucodonosor.
KJOAʼMIYA 61
Alikui binyále xkóle je xkóson
Sadrac, Mesac kao Abednego likui tsakʼétsʼoale je xkósonle Nabucodonosor xi tao̱nsine koanndani.
KJOAʼMIYA 62
Jngo chjotaxá xi jngo yáje kiningósonkao
Je nijñá xi tsakʼaile Nabucodonosor kui tsakʼéjnatsen jme xi koanle nga koanskanni.
KJOAʼMIYA 63
Én xi kichjitʼa tʼaxjáo
Kʼiáni tsʼatsen je én xi kichjitʼa ya tʼaxjáo. Kʼoa jósʼin tsoyanile.
KJOAʼMIYA 65
Je Ester tsakʼasjentjai naxinandále
Ningalani xin tsʼe kʼoa ningalani tsínle xijchá, reina koan.
KJOAʼMIYA 66
Je Esdras kitsoyaa kjoatéxomale Niná
Kʼianga jekinrʼoé naxinandá jme xi kitso Esdras kʼoakitsole Niná nga sikitjoson.
KJOAʼMIYA 67
Xjáo xi kjindai Jerusalén
Je Nehemías kisʼejinle nga chjotakontrale mele koaikʼétʼale. Ánni nga tsín kitsokjonni je Nehemías.
