Xi tínchja̱ni 12
Je Jesús kinchjani tʼatsʼe Chjotaxále Niná. Kʼoati tsakakóya josʼin si̱jé nga katabitjotsje jaʼaínle Niná, nga katanroa Chjotaxále kʼoa nga kʼoakatama josʼin mele i̱ Sonʼnde. Tsa tjínli je ʼndíxti, tisenkoai nga katamajinle jme xi tsoyanile kjoabʼetsʼoa jebi. Je Jesús ñaki kixi kitʼale Niná ninga tsakʼetʼale Na̱i. Je Jesús nʼio koanndosinle josʼin ʼyaxkón Niná. Kʼoati kiskoejin pastrole, kʼoa pastro jebi jéní xi títjon kitjoejin nga ya koatexomakao Jesús. Je Jesús koanmele tsakasenkao je chjota, kuinga kisindayani xi chʼin tjínle, kisikjén xi baole kʼoa saʼnda kisikjaʼáya kʼale chjota xi jekʼien. Ngayeje jme xi kisʼin kui tsakakó jme xi sʼin kʼianga koatexoma.
KUI FAʼAITʼA JEBI
KJOAʼMIYA 75
Je Na̱i kiskotʼayakao je Jesús
Je Na̱i jan kʼa kiskotʼayakao Jesús. Jñánile nga jan che̱n xi kisikatíole je Na̱i. Jókisʼin Jesús nga kichotʼayakao.
KJOAʼMIYA 76
Jesús kisitsjee je yo̱ngo̱
Ánni nga tsakʼaonsjesíni cho̱ ya yo̱ngo̱ je Jesús kʼoa nga kiskanitítsjáni yámixa̱le je xi tao̱n síkʼantjai.
KJOAʼMIYA 77
Chjoón xi kicho ya xjáonandá
Ánni nga tokʼoakoannile chjoón samaritana xi ya tíjna ya xjáonandále Jacob nga tsakjákao Jesús. Jmé xi kitsole Jesús chjoón jebi xi kjesa ʼya xi kʼoatsojinle.
KJOAʼMIYA 78
Je Jesús kitsoyason tʼatsʼe Chjotaxále Niná
Jesús kʼoakitsole je chjotatjenngile nga chjota katabʼéxkó. Xijekoan 70 chjotatjenngile kisikatíonda nga koaitsoyason je énnda chjotse.
KJOAʼMIYA 79
Je Jesús nʼio nkjín choa̱ tsakakó
Tojñani nga ki je Jesús kichonrʼoe chjota xi tjíomʼe nga katasíndaya kʼoa je Jesús kʼoakisʼin. Saʼnda kisikjaʼáyale jngo tsotiʼndí.
KJOAʼMIYA 82
Jesús kitsoyale chjotale josʼin kʼoetsʼoa
Jókitsole Jesús je chjotatjenngile, jméni xi machjén nga tosi tonda sijé.
KJOAʼMIYA 85
Jesús kisindayaa chjota nga xoto
Ánni nga tjínkʼa xi tsín kisasennile jme xi kisʼin Jesús.
KJOAʼMIYA 86
Jesús kisikjaʼáyale Lázaro
Kʼianga tsabe Jesús nga tíkjiʼndá je María chan kʼoati kiskiʼndá tsanda je. Tonga likui nʼio tse nga ba koanle.
