Xi tínchja̱ni 2
Ánni nga jtsínʼio kisikjesonsíni Niná je sonʼnde nichxin kjoatse. Nga jekisʼe chjota, tjínkʼa xi kui kiskoejin xi chʼaotjín, joni tsa Adán, Eva kao Caín. Tonga kʼoati tsakatio jngo jao xi kui kiskoejin xi ndatjín, joni tsa Abel kao Noé. Je xi chʼao kisʼin kontra tsakatiole je xi nda kisʼin. Me ngatsʼi chjota nga nʼio tsʼen koan, kʼoa je Jeobá kisikjeson chjotatsʼen jebi. Jotjín kjoaʼmiya jchaa ibi kui kuitsoyaná nga be Jeobá jmeni xi tichjoejiaan. Alikui tsjoáʼnde nga je xi chʼaotjín sikinjele je xi ndatjín.
KUI FAʼAITʼA JEBI
KJOAʼMIYA 3
Je Adán kao Eva alikui kisitjosonle Niná
Ánni nga tsín koanngósonsíni yá xi kisasen ngabasenle ʼndenaxóle Edén kao yá xi ngikʼa. Ánni nga kiskinesíni Eva tole yá jebi.
KJOAʼMIYA 4
Nga nʼio koanjtile saʼnda kisikʼien je ndsʼe̱
Je Niná kisasenle jme xi kitsjoatʼale Abel tonga tsín kisasenle jme xi kitsjoatʼale Caín. Je Caín nʼio koanjtile kʼoa tjín xi kisikao je ndsʼe̱.
KJOAʼMIYA 5
Je arcale Noé
Kʼianga yánchjín chixankao je ánkje nʼio yʼai kjoan xti xi kisʼele. Nʼio tse kjoatsʼen kisʼe tojñani. Tonga Noé tsjoake koan Niná kʼoa kisitjosonle.
KJOAʼMIYA 6
Jin chjota kitjontjai
Je jtsínʼio 40 nichxin kʼoa 40 nitje̱n tsʼa. Je Noé kao familiale tsʼato jngo nó tsakatioʼya arca. Xijekoan, kʼiaa kitjo.
