KJOAʼMIYA 8
Je Abrahán kao Sara kisitjosonle Niná
Ya chrian Babel, kʼoati kisʼejna jngo naxinandá xi Ur tsakʼin. Tonga je chjota xi ya tsakatio nʼio nkjín niná tsakʼétsʼoale, alikui je Jeobá tsakʼétsʼoale. Tonga tsakʼejna jngo chjota ya Ur xi toje Jeobá tsakʼétsʼoale. Jéní xi Abrahán tsakʼin.
Je Jeobá i kitsole Abrahán: “Tikʼéjnai niʼyali kao familiali kʼoa ya tʼin ya ʼnde xi koakole”. Xijekoan i kitsole Niná: “Naxinandáje sikaole. Kʼoa tʼatsiní nga nʼio tse kjoanda tsjoale ngatsʼi chjota i̱ Sonʼnde”.
Je Abrahán alikui be jñani sikasén je Jeobá, tonga jé kisinʼiotʼa. Je Abrahán kao Sara, je chjoónle, kʼoa Taré kao Lot je tikjaʼmele, kisitjosonle Niná. Tsakatíondaa tsojmile kʼoa ki.
Je Abrahán kʼiaa 75 nóle kʼianga kicho kao familiale ya ʼnde jña kitsole Jeobá nga katakotsen. ʼNde jebi Canaán tsakʼin. Kʼoa je Jeobá i kitsole: “Ngayeje ʼnde xi tichotsenlai, jé tsjoale je xtili”. Tonga je Abrahán kao Sara jejchínga kʼoa tsínle xti. Jósʼin sitjoson Jeobá jmeni xi kitsole.
“Nga koankjainle Abraham, kisitjoson saʼnda nga kicho ya ʼnde xi kʼoasʼin kʼoaikjoatjaole. Kʼoa kitjo ninga tsín be jñani koai” (Hebreos 11:8).
Tsa kʼoati meli jchai xi tʼatsʼe jebi
A ʼYANÍ JME XI TÍNCHJANI JE BIBLIA
Je kjoasʼendajin xi tsakʼénda Niná kao Abraham
Ánni nga ya Canaán kisíni je Abraham. Jmé kjoa xi tsakʼéndajin Niná kao Abraham.
