Xi tínchja̱ni 8
Je Jeobá tse kjoachjine kitsjoale Salomón, jé tsakánele nga tsakʼénda je yo̱ngo̱, tonga tobijbi tsakasenxinle Jeobá. Tsa tjínli ʼndíxti, kʼoatʼinlai nga je chjota xi kjaʼaí niná bʼétsʼoale xokisikao Salomón nga tsín ti Jeobá tsakʼétsʼoanile. Koanjaoyaa naxinandá. Kisʼe rey xi tsʼen koan xi kʼoakitsole je naxinandá nga yátsʼi̱n katabinyále Niná kʼoa nga xkóson katabʼétsʼoale. Kʼoa je profeta xi kixi kitʼale Jeobá, chjota kitjenngike kʼoa saʼnda kinikʼieen. Je reina Jezabel nʼio tsakʼénele je xi te ntje̱le Israel nga xkóson tsakʼétsʼoale. Nʼio chʼaosʼin tsakatio naxinandá Israel. Tonga nkjín koanni xi tojo je Jeobá tsakʼétsʼoale, jolani je rey Jehosafat kao profeta Elías.
KUI FAʼAITʼA JEBI
KJOAʼMIYA 44
Yo̱ngo̱ xi kisʼendale Jeobá
Je Niná kisasenle jme xi kisijé je rey Salomón kʼoa kuinga tse xá kitsjoanile.
KJOAʼMIYA 45
Koanjaoya je naxinandá Israel
Nʼio nkjín chjota israelita xi tsín tije Jeobá tsakʼétsʼoanile.
KJOAʼMIYA 46
Je choa̱ xi kisʼejna ya nindo Carmelo
ʼYáni xi ñaki Niná kjoaixi. A jé Jeobá axo jé Baal.
KJOAʼMIYA 49
Jngo reina xi tsʼen koan kjoañʼai tsakʼaile
Jezabel kʼoakitso nga katanikʼien jngo chjota israelita xi Nabot tsakʼin tojoni nga je skoé je nangile. Tonga Jeobá tsabee nga chʼao kisʼin.
KJOAʼMIYA 50
Jé Jeobá kisitoánntjai Jehosafat
Kʼianga je chjota kontrale naxinandá Judá kichokʼétʼale, je rey Jehosafat tsakʼétsʼoale Jeobá kʼoa kʼoakitsole nga katabasenkao.
