PRIMEROS AUXILIOS. Departamento jebi toje sísinle chjota xi tokʼia tjín xi kamale.

TAO̱N. Nʼio tse tao̱n feya nga sokó yáxile xi ndakjoan jñani biyoné, nga nda noʼyale sonido, nga nda matsen video kʼoa nga binda je tsojmi xi machjénsa kʼianga tsjoa sʼe̱ tokoán nga tiyoaa kjoajtíntsená kʼoa koa̱nchriantʼasalee Jeobá. Je tao̱n xi batioá kʼoasʼin machjén nga machjí ngayeje jebi kʼoa nga tosi tonda katafison je Énle Niná. Tsa meli kʼoainganʼiui, tjío kaxa̱ ngakjijnda jñani sʼejna kjoajtíntse xi cajas de contribuciones tso. Bʼailee kjoanda ngatsʼi xi tsjoánganʼio. Je Cuerpo Gobernante kʼoati tsjoáno kjoanda nga kʼoasʼin bʼainganʼio xi tʼatsʼe xále Niná.

TSOJMI XI CHA. Tsa jngo tsojmi koa̱nsjaili xi kacha, ya tʼinkoai ya Departamento de Objetos Perdidos. Kʼoa tsa tjín xi kachali, koaan ya tʼinkjasjai ʼnde jebi. Kʼoati koa̱n ya kʼuínkoai tsa jngo tiʼndí kʼoa tsa tsotiʼndí kacha. ʼNde jebi ali tsakuijin xá tíjnani nga xtiʼndí sikuinda. Tʼiaon kjoanda nga tikuindao ʼndíxtino kʼoa ali tojejin nikatío.

XI KOAISʼENNGINDÁ. Yaa sa̱tíole ʼnde xi tjíotítjon jñani tíjna plataforma, tsa mailani kʼiaa kʼoakʼuínle. Je xi koaisʼenngindá jetjínnele ya tjíone yáxilele tongini nga kjesa fitsʼiajin kjoanokjoaya xi kʼoaile nga xoto tanjio. Ngatsʼi tjínnele kʼoa̱ toallale kao najño xi kʼoakjá xi tsín chʼaosʼin matsen.

XI MELE SIXÁ. Tsa meli kʼoainganʼiui nga si̱xái ya kjoajtíntse, tʼin ya Departamento de Información kao Servicio Voluntario.

XI SIKATÍONDANÁ. Je xi kui xá sʼe̱le koaan koasenkaoli. Kʼoatʼiain jokuitsoli xi tʼatsʼe jña sʼe̱yo carro, jñani faʼa chjota, ʼnde xi si̱katioá kʼoa jmesani xi kjaʼaínile.

YÁXILE. Kʼoati machjén nga kuenta tʼiain xi ngikʼa. Koaan toje tatiolai ʼnde xi ñaki familiali mani, je xi ya koaiyakaoli carroli, xi ya tjíokaoli, kʼoa tsa je xi ʼmiyalai Biblia. Alijmejin xi batiosuin je yáxile xi tsínni si̱chjain.

SKUELA XI SÍCHJINE JE XI BAKÓYASON TʼATSʼE CHJOTAXÁLE NINÁ. Koaan koai je precursor xi 23 saʼnda 65 nóle je xi mele nga tsesa sixále Niná. Je xi mele koai skuela jebi koaan koai kjoajtín xi sʼe̱jna nga taingo koa̱nxon. Yaa tjen plataforma sʼe̱jinkonni xíngiaa jme horani kʼoa jñani sʼe̱jna.