1. Koeni, kuisikji ngʼa

je nindo tsjele Jeobá.

Chótsaon, ngisaa nʼio ngʼa

tikʼoajinni xi ngikʼa.

Nkjín chjota tjíofimi,

i tjíotsole xi kjaʼaí:

“Jabio, kʼoa si̱xálee ngatsʼiaa

je Niná Jeobá”.

Tojo kitso Niná,

je xi tochoa mani jmi mani.

Kjimankjínyaa chjota,

tísíchikontʼainná je Jeobá.

Nʼio nkjín jmi jemani

je xi tjíobásjai kjoanyʼán.

Ngatsʼi, mele nga je Jeobá

koatexomale.

 2. Je Cristo kʼoakitso

nga kʼuínyasonlee chjota.

Tangián, tjinkʼinyasonlee chjota

ninga kjin tjío.

Je Cristo, Rey tíjna,

nga̱ jetíbatéxoma.

Kʼoatso nga sichikontʼainná

tokʼia saʼndani.

Nʼio tse kjoatsjoa tjenkao

nga kʼoasʼin kjimankjín je chjota.

Kjimakjainle chjota

kʼoa tosi tonda xínyasonle.

Chjota xi ndʼé tjío kon

i xínle nga xínyale:

“Jabio, tangínmiaa ya nindo

tsjele je Jeobá”.