1. Kʼianga bʼainganʼiolee je xíngiaa

nga kixi kjuintʼalee Jeobá,

nʼio sʼejna kjoatsjoacha xi tjínná

kʼoa nyʼán sʼin biyoaa kao je ndsʼee.

Jtín sʼin biyoaa nga tsjoachaa xíngiaa,

tjoná nganʼio kʼoa nʼiojin maa.

Basenkaoná ya jtín jña mangián

nga jtín síkatíoná ngatsʼiaa.

2. Je xi ñaki miyoná mani

nʼio nda tso én xi fákaoná

nichxin kʼiani nga kui machjénná

én xi nda sʼele ni̱ma̱ná.

Tsjoa sʼená kʼianga tojngo nixá

kao xi tsjoake Niná Jeobá.

Jmeni xi ai kjimale xíngiaa

matjale kʼianga nimiyoaa.

3. Jmeni xi kjimachon je sonʼnde

kui bakó nga jenroa kjoañʼai.

Alikui si̱chaa kʼianga koa̱nñaa

ya jtín jña bʼakaoná mangián.

Koakolee kjoatsjoacha ngatsʼi ndsʼee

je xi tjío ngakjijnda Sonʼnde.

Jtín sʼin si̱xálee Niná Jeobá

ndʼaibi kʼoa tokʼia saʼndani.