Kjoajnda 152
Ji bʼainganʼionái kʼoa ninʼiojinnái
Chʼa̱jain:
-
Ji Jeobá nʼio tse kjoanda tjínli,
nʼio tsjoake̱le ji Nʼai.
Je kjoachoya xi tsakʼainái
mena koakoyasoan.
Tonga nʼio ñʼai kjimachon sonʼnde.
Sakʼoaa kjoajkon bʼetʼana.
Ali bʼaiʼndejin nga kjuitsʼao
kjoachoya xi tjínna.
(XI JNDA IJNGOKʼA)
Ji bʼainái kjoachoya
xi tjínna Jeobá.
Toji sinʼiotʼale ngantsjai.
Kʼianga bakoyasoan
ji bʼainganʼionái
kʼoa ninʼiojinnái nga kʼoasʼian.
-
Ji Jeobá tisenkaonái ngantsjai
nga tsín sichajinle.
Kʼianga kjoañʼai jaʼatojian
ji kininʼiui tokoan.
Je kjoafaʼaitsjen xi tsakʼainái
nʼio kisitajajinna.
Koakoyaña je jaʼaínli
kao kjoanda xi nroakoai.
(XI JNDA IJNGOKʼA)
Ji bʼainái kjoachoya
xi tjínna Jeobá.
Toji sinʼiotʼale ngantsjai.
Kʼianga bakoyasoan
ji bʼainganʼionái
kʼoa ninʼiojinnái nga kʼoasʼian.
(Kʼoati chótsenlai jotso Sal. 72:13, 14; Prov. 3:5, 6, 26; Jer. 17:7).
