TJENYATOKON KUIYOAA
2022: Nʼio tse kjoa kisʼe | Jótso je Biblia
Nʼio tse kjoa kisʼe nga nó 2022, jolani kjoajchán, choaa tao̱n kisʼe kʼoa nkjín kjoaxkón kisʼe. Toyaa Biblia tsoyaná ánni nga kʼoasikji kjoa tísʼeni.
Ánni nga nʼio tse kjoa kisʼeni nga nó 2022
Kuinga kʼoakoanni nga̱ “nichxin xi kjoetʼa” tsole Biblia nichxin xi tiyoaa ndʼaibi (2 Timoteo 3:1). Kʼiaa nga nó 1914 kitsʼiani nichxin fetʼa jebi. Tongini kʼoakitso je Biblia jmeni xi kjima ndʼaibi:
“Kjoajchán” (Mateo 24:6).
“Nga nó 2022 kʼiaa kisʼe ijngokʼa kjoajchán ya Europa”. a
Chótsenlai jñani tso: “Rusia yaa bichókʼétʼale Ucrania”.
“Kjinrá” (Mateo 24:7).
“Nó 2022: Kʼiaa nga ngisasa tse kjinrá kisʼe”. b
Chótsenlai jñani tso: “Je kjoajchán xi kjima ya Ucrania tíbʼetʼale jngo tjíjtsa sonʼnde”.
“Chʼinʼbi” (Lucas 21:11).
“Koantseen ijngokʼa je chʼin xi poliomielitis ʼmi, kʼoati koan chʼin xi viruela del simio ʼmi kʼoa nkjín chjota xi tojo kui chʼin coronavirus tjíotsaotʼale. Nga kʼoakjima kui bakó nga nʼio síkiʼaonná chʼinʼbi kʼoa nga choa nganʼio tjínná xi chjota”. c
Chótsenlai jñani tso: “Jetsʼato 6 millón chjota kisikʼien COVID”.
“Sʼe̱ kjoaxkón” (Lucas 21:11).
“Nga nʼio sjeya kjima, nga títingi kʼoa nga títsendá. Nga nó 2022 nʼio tse kjoaxkón kisʼe, siento koanni chjota xi kʼien kʼoa millón koanni xi xin naxinandá kikatio”. d
Chótsenlai jñani tso: “Nʼio sjeya kjima jngo tjíjtsa Sonʼnde”.
“Kjoasi” (Lucas 21:9).
“Je chjota nʼio jtile nga tími chjíle tsojmi, kʼoa kuinga ngisa nkjín koanni chjota xi kjoasi kijin nga nó 2022”. e
Chótsenlai jñani tso: “Tími chjíle tsojmi jngo tjíjtsa Sonʼnde”.
Jmé xi choyalee nga koa̱n nó xi nroa
Nijngojin chjota xi koa̱nle kʼoakuitsoná jmeni xi koa̱n nó 2023. Tonga jmeni xi ʼyaa kuinga jeme koatexoma i̱ Sonʼnde je Chjotaxále Niná, xi ya tjen ngʼajmi koatexomani (Daniel 2:44). Chjotaxá jebi kjoaʼaxin ngayeje kjoachjaʼatokon xi tjín kʼoa kui xi sʼin nga kuitjoson jmeni xi tjínndajinle Niná (Mateo 6:9, 10).
Kui xi menajin nga kuenta sʼiain jmeni xi kitso je Jesucristo nga i̱ kitso: “Tjenyatokon tiyo” (Marcos 13:37). Koaan kuinókjoanáijin tsa mesali jchai josʼin koasenkaoli Biblia ndʼai kʼoa kao nichxin xi nroaján, koasenkaoli ji kʼoa kao familiali.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Tsa kʼoati meli jchai xi tʼatsʼe jebi
XO̱N XI BÁJINKONNÁ
Je Niná jeme kjoaʼaxin je kjoañʼai xi tjín
Jómani ʼyaa nga jeme kjoaʼaxin Niná je kjoañʼai xi tjín kʼoa kao xi tsín kixi tjín.
XI MACHJÉN NGA JCHAA
Jméni je xi kjoatéxomale Niná tsole Biblia
Nga kitsoyason je Jesús, je xi ngisa kinchja̱ni kui tʼatsʼe kjoatéxomale Niná. Jenkjín siento nó nga kui tjíosíjé chjotale Jesús nga katanroa kjoatéxoma jebi.
XI TʼATSAINJIN
Tijái nga kataʼmiyali Biblia
Kataʼyai jme xi tsoya Biblia kʼoa tsa tʼatsʼe testigole Jeobá.
