TJENYATOKON KUIYOAA
2023: Nʼio tse kjoaʼaon kisʼe | Jótso je Biblia
Jmeni xi koan nó 2023 kui bakó nga nichxin fetʼa jetiyoaa tojo tso ya Biblia (2 Timoteo 3:1). Tíbitjoson jmeni xi tongini kitso je Biblia. Kataʼyala jmeni xi kjima.
Je Biblia kʼoatso jmeni xi kjima
“Kjoajchán, kʼoa én xi kʼoámje tʼatsʼe kjoajchán” (Mateo 24:6).
“Sa nkjín sa nkjín kjoajchán tísʼe jngo tjíjtsa Sonʼnde”. a
Tʼexkiai jñani tso “ʼYáni xi koasenkao je xi toxkia chjota nga kjoajchán tjín” kao “Jngo tjíjtsa Sonʼnde tsʼato jao billón dólares tao̱n jeya xi tsʼe kjoajchán.”
“Cháon kjoaʼa nkjín ʼnde” (Marcos 13:8).
“Saʼnda nga kitsʼia nó 2023 tejan cháon nʼio jaʼa. Ni sa ñandiajin nga kʼoasikji nkjín cháon nʼio faʼa nga jngo nó”. b
Tʼexkiai jñani tso “Cháon xi jaʼa ya Turquía kao Siria.”
“Sʼe̱ kjoaxkón” (Lucas 21:11).
“Je Sonʼnde nʼio jetíbitson” (António Guterres, secretario general de las Naciones Unidas). c
Tʼexkiai jñani tso “Nʼio sjeya kjima jngo tjíjtsa Sonʼnde nó 2023.”
“Sʼe̱ kjinrá” (Mateo 24:7).
“Nga nó 2023 kʼoati tse kjoañʼai tsakjaʼá je chjota nga tsakajngiʼa xi tjío yaniʼyale”. d
Tʼexkiai jñani tso “Choa tsojmi tísʼe xi totʼatsʼe nga kjoajchán kjima kʼoa nga nʼio sjeya kjima.”
“Kjoaʼaíná kjoañʼai xi tse” (2 Timoteo 3:1).
“Kʼiatsa jin mani chjota jngola xi chʼin tjínle kjoafaʼaitsjenle”. e
Tʼexkiai jñani tso “Je chʼin xi tjíotsaotʼale je xi sʼa xti.”
Jmé xi koa̱n nó 2024
Likui ʼyaa jmeni xi koa̱n nó 2024. Jmeni xi kjima kui bakó nga jeme tjóxin je chjotaxá sonʼnde. Jé Chjotaxále Niná koatexoma kʼoa kjoaʼaxin ngayeje jmeni xi kjoañʼai síkjaʼáná (Daniel 2:44; Apocalipsis 21:4).
Tsa nʼio nikjáojiaan jmeni xi kjima koaan kʼoakʼuínlee je Niná nga katabasenkaoná. Je Biblia itso:
“Kʼianga tsokjoan, ji sinʼiotʼale” (Salmo 56:3).
Jmé xi sʼiaan nga si̱nʼiotʼaa je Niná. Je Biblia kʼoatso nga tsín tikjoañʼai sʼe̱ni nichxin xi nroaján. Chótʼayai jmeni xi tso je Biblia, koasenkaoli ji kʼoa kao familiali.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre de 2023.
b Noticias de terremotos, “2023: La cantidad de grandes terremotos pronto batirá récords”; mayo de 2023.
c Naciones Unidas, “Secretary-General’s Opening Remarks at Press Conference on Climate” (comentarios del secretario general sobre el clima en una rueda de prensa); 27 de julio de 2023.
d Programa Mundial de Alimentos, “Una crisis alimentaria mundial.”
e Organización Mundial de la Salud, “Día Mundial de la Salud Mental”; 10 de octubre de 2023.