Je noticia kui nʼio nchja̱ni nga jtike xínkjín chjota, nga kjoajchán tjín kʼoa nga bʼasjengi xínkjín.

•   “Nga kjoajchán kjima ya naxinandá Israel kʼoa kao ya naxinandá Gaza, kui tjíonchja̱ni chjota jokji jtike xínkjín ya redes sociales” (The New York Times, 15 sá noviembre nó 2023).

•   “Saʼnda tjen 7 sá octubre, sa jtike sa jtike kjima xínkjín chjota, kui nchja̱ni jokji jtike xínkjín kʼoa síkiʼaon xínkjín” (Dennis Francis, presidente de la Asamblea General de las Naciones Unidas, 3 sá noviembre nó 2023).

 Ali tsa to ndʼaijin nga jtike kjima xínkjín chjota, nga kjoatsʼen kʼoa nga kjoajchán tjín. Ya Biblia síkʼaxki̱ je chjota xi ya mangóson je én xi kinchja̱ joni tsa flecha tjíobasén kʼoa nga kui kitjenngi kjoajchán kao kjoatsʼen (Salmo 64:3; 120:7; 140:1). Tonga kʼoati tsoya ya Biblia ánni jtikeni xínkjín chjota nichxin xi tiyoaa ndʼai.

 Ya Biblia jao koya síkʼaxki̱ ánni nga jtikeni xínkjín chjota.

1.  1. Kʼoatso nga nichxin xi tiyoaa ndʼai “je kjoatjaochale nkjín chjota sa̱tényʼánjin” (Mateo 24:12). ʼNdele nga tsjoake koa̱n xínkjín chjota tosa to kjimajtike xínkjín (2 Timoteo 3:1-5).

2.  2. Nga nʼio jtike xínkjín chjota kui bakó jokjoan je Na̱i. Ya Biblia itso: “I̱ ngakijnda sonʼndebi tíjnakao na̱i” (1 Juan 5:19; Apocalipsis 12:9, 12). Nga nʼio jtike kjima xínkjín chjota nichxin xi tiyoaa ndʼai kui bakó nga je Na̱i kjinentsja sonʼnde.

 Tonga ya Biblia kʼoati tso nga je Niná kuicho nichxin nga kjoaʼaxin nga kʼoasʼin jtike xínkjín chjota. Koasenkaoná nga tsín tiʼaon sa̱tíoni tokoán. Ya Biblia itso:

•   “Niná kʼoejon ngayije ndáxko̱n xi tsʼe xko̱n. Likui tisʼe̱ni kjoabiya. Likui tisʼe̱ni kjoaba, nijejin xi kjiʼndía, nijejin xi aon male, nga je kjoa xi títjon jejaʼato” (Apocalipsis 21:4).