TJENYATOKON KUIYOAA
Je chjota científico síkʼantjaiyaa orale je Reloj del Juicio Final | Jótso je Biblia
Nga 24 sá enero nó 2023 je chjota científico kisikʼantjaiyaa orale je Reloj del Juicio Final a kʼoa me chrian basen nitje̱n kisikʼéjnale.
“Nga majte, je Reloj del Juicio Final, xi kui tsoyanile je kjoa xi faʼatojin je chjota, me chrian basen nitje̱n kisʼejna xi totʼatsʼe kjoajchán xi kjima ya Ucrania, nga mele bomba nuclear sichjén je chjota nga sikjeson xínkjín kʼoa nga sakʼoa nʼio nyʼán kʼoa nʼio sjeya ma” (Servicio internacional de noticias de la agencia AFP).
“Je chjota científico kʼoakitso nga nichxin majte nga to 90 segundo chale nga basen nitje̱n kisikʼéjnale je Reloj del Juicio Final, tosʼaa ndʼai nga kʼoasikji chrian tíjnale nga kjoetʼa Sonʼnde” (ABC News).
“Jngo jtín chjota científico xi kʼoakitso nga nʼio xkón tjío je chjota ndʼaibi” (The Guardian).
A jemachrianle nga kjoeson je chjota kʼoa kao je Sonʼnde. A nokjonñá tʼatsʼe jmeni xi koa̱n nichxin xi nroa. Jótso je Biblia.
Jme xi koa̱n nichxin xi sʼa nroa
Je Biblia kʼoatso nga “je sonʼnde tíjna ngantsjai nichxin” kʼoa nga chjota “koatio ngantsjai nichxin” (Eclesiastés 1:4; Salmo 37:29). Alikui je chjota sikjeson je Sonʼnde kʼoa chjota koatio ngantsjai i̱ Sonʼnde.
Tonga ya Biblia síkʼaxki̱ tʼatsʼe nichxin xi kjoetʼa. Tobʼelañá, kʼoatso nga “je sonʼndebi faʼatoní” (1 Juan 2:17).
Tsa meli jchai jmeni xi nchja̱ni Biblia nga kjoafetʼa síkʼaxki̱, tʼexkiai jñani tso: “¿Se acerca el fin del mundo? ¿Qué es el apocalipsis?”.
Tsa meli jchai jmeni xi tso Biblia tʼatsʼe nichxin xi nroaján, tʼexkiai jñani tso: “¿Cuándo será el fin del mundo?”.
Ali tsa nʼiojin nikjáojin
Je Biblia basenkaoná nga tsín nʼio nikjáojiaan ninga sa chʼao sa chʼao kjimachon Sonʼnde. Jósʼin basenkaoná.
Je Biblia tsjoáná kjoafaʼaitsjen (2 Timoteo 3:16, 17). Tsa mesali jchai josʼin basenkaoná je Biblia nga tsín nʼio nikjáojiaan ninga kjoa kuitjátojiaan, tʼexkiai jñani tso: “Qué puedo hacer para no preocuparme tanto”.
Kʼoati tsoyaná Biblia jmeni xi koa̱n nichxin xi nroaján. (Romanos 15:4). Kʼoatso kixiná jmeni xi kjima ndʼaibi kʼoa kao jmeni xi koa̱n nichxin xi sʼa nroa kʼoa kui jebi xi basenkaoná nga tsín nʼio nikjáojiaan.
Tsa mesali jchai jmeni xi bakóya je Biblia, chótʼai josʼin nga koa̱n chótʼayai Biblia.
a “Je xi Reloj del Juicio Final ʼmile jngoo reloj xi to tsoyanile jmeni xi tjíosʼín je chjota nga tjíosíkitsón je Sonʼnde. Kui tsoyanile jmeni xi machjén nga sʼiaan tsa mená nga tosi tonda i̱ kuiyosoán Sonʼnde” (Bulletin of the Atomic Scientists [Boletín de Científicos Atómicos]).