TJENYATOKON KUIYOAA
Jetsʼato 6 millón chjota kisikʼien COVID | Jótso je Biblia
Je Organización Mundial de la Salud (OMS) kʼoakitso nga 23 sá mayo nó 2022 nga jetsʼato 6 millón chjota kisikʼien COVID-19. Tonga nga 5 sá mayo nó 2022, kʼoakitso nga tsʼato 14 millón chjota xi kui chʼin kisikʼien nga nó 2020 kao 2021. A tsoya Biblia tʼatsʼe chʼin xi kjima.
Ya Biblia tongini kʼoakitso nga chʼin ʼbi sʼe̱
Je Jesús kʼoakitso nga sʼe “chʼinʼbi” “nichxin xi kjoetʼa (Lucas 21:11; 2 Timoteo 3:1).
Jmeni xi kitso Jesús tíbitjoson nichxin xi tiyoaa ndʼaibi. Tsa mesali jchai xi tʼatsʼe jebi, tʼexkiai jñani tso: “¿Cuál es la señal de ‘los últimos días’ o ‘los tiempos finales’?”.
Je Biblia sínʼio je tokoán
Je “Niná xi tsʼe ngayije kjoanijetakon, xi síjekonná ngayije kjoañʼainá” (2 Corintios 1:3, 4).
Nkjín chjota xi jekisicha xínkjín xi tíbasenkao jmeni xi tso je Biblia. Tʼexkiai jñani tso: “Cómo sobrellevar el duelo: Sugerencias prácticas” kao “La mejor ayuda para quienes están de duelo”.
Je Biblia tsoya ʼyáni xi koa̱nle kʼoendajin kjoa jebi
“Katjinroa kjoatéxomali. Kʼoakatasʼín josʼin nga meli, joni ya ngʼajmi kʼoatisʼin i̱ sonʼnde” (Mateo 6:10).
Jé Chjotaxále Niná xosʼin nga kuitjoson én jebi: “Nijngojin chjota xi i̱ kuitso: Timʼeña” (Marcos 1:14, 15; Isaías 33:24). Tsa mesali jchai tʼatsʼe Chjotaxále Niná kʼoa jmeni xi sʼin, chótsenlai je video Jméni je xi kjoatéxomale Niná tsole Biblia.
Kataʼyasai jmeni xi tso je Biblia. Koasenkaoli ji kʼoa kao familiali je kjoafaʼaitsjen kʼoa kao kjoachoya xi tsjoá.