NGA KʼOABÍSON XO̱N NGA KJOAʼAÍTSJENYA KJOABIYALE CRISTO
Je Jesús kjoaʼaxin ngatsʼi chjotatsʼen
Je Jesús majinle josatío tokoán nga totaon bená je chjotatsʼen. Kʼoakoantʼain je, énndiso kisʼene, kisatele, kisʼele, jée kisʼene kʼoa kinikʼien. Kʼoa tokjoatjao kʼoakoantʼain. Ninga tsín jme jée kisʼele kitsjoaa kjoabijnachonle nga tsakʼéchjíntjai chjota (Mateo 20:28; Juan 15:13). Ndʼaibi je Rey sʼin tíjna kʼoa jeme kjoaʼaxin chjotatsʼen, kʼoa kjoatéxoma kixi sichjén nga kʼoendajinle ngatsʼi chjota (Isaías 42:3).
Je Biblia kʼoatso jokoa̱nchon kʼianga jekjoaʼaxin Jesús je chjotatsʼen:
“Tongi choasa nichxin cha kʼoa je xi tsʼen alikui tikoationi; chótsenní ya jña tsakatio kʼoa likui tijchani. Tonga je xi ndʼé tsʼee koa̱n je sonʼnde, kʼoa ñaki nyʼán sʼin koatio” (Salmo 37:10, 11).
Jósʼin koakoñá nga chjí ʼyatokoán jmeni xi kisʼin Jesús kʼoa jmeni xi sʼin nichxin xi nroaján. Ya Lucas 22:19, je Jesús kʼoakitsole chjotale nga katasíkjaʼaitsjenya kjoabiyale. Xi testigole Jeobá maijin xki̱ nó biyojtínjin nga nikjaʼaitsjenyaijin Kjoabiyale Cristo. Tsa kʼoakoa̱nli tʼin nga kuiyojtínjin nó jebi, nga taingo 24 sá marzo nó 2024.