TJENYATOKON KUIYOAA
Kʼiáni nga tjóxin je kjoajchán | Jótso je Biblia
“Machjén nga tsín kuinyaxkónlee yaoná kʼoa nga chjoéxkoá yaoná” (kui xi tso António Guterres, secretario general de las Naciones Unidas, nga tsakʼetʼale Irán je naxinandá Israel nga xoto 13 sá abril nó 2024).
Je kjoajchán xi kjima ya Oriente Medio tojngola choa̱ xi bakó jmeni xi kjima jngo tjíjtsa sonʼnde.
“Saʼnda nga kisʼejna kjoajchán xi majaoni nʼio nkjín kjoasi tjíosatío ngakjijnda kʼoa 2,000 millón chjota xi ya tjío jñani kʼoakjima” (Consejo de Seguridad de la ONU, 26 sá enero nó 2023).
Yaa Israel, Gaza, Siria, Azerbaiyán, Ucrania, Sudán, Etiopía, Níger, Myanmar kao Haití jñani nga tjín kjoajchán kao kjoasi. a
Kʼiáni nga tjóxin je kjoajchán. A koaanle je chjotaxá nga kjoanyʼán kjoaʼaíkao. Jótso je Biblia.
Kjoajchán xi tísʼe
Je kjoajchán xi kjima ndʼaibi kui bakó nga jeme kuicho nichxin nga likui tisʼe̱ni kjoajchán. Tíbitjoson jmeni xi tongini kitso je Biblia nga kjoajchán sʼe̱ nichxin xi tiyoaa ndʼai. Ya Biblia nga “jekuichokjetʼa xi chon sonʼnde” tsole nichxin xi tiyoaa ndʼaibi (Mateo 24:3, TNM).
“Kuinóʼyalao tʼatsʼe kjoajchán [...]. Kuisótje̱nne naxinandá kontrale xi kjaʼaí naxinandá, kʼoa kjoatéxoma kuisótje̱nne xi kjaʼaí kjoatéxoma” (Mateo 24:6, 7).
Tʼexkiai jñani tso “¿Cuál es la señal de ‘los últimos días’ o ‘los tiempos finales’?” ánni jchani nga kui tíbitjoson jmeni xi tongini kitso Biblia xi tʼatsʼe kjoajchán.
Je Niná kjoaʼaxin ngayeje kjoajchán
Je Biblia kʼoatso nga likui tisʼe̱ni kjoajchán. Tonga jé Niná xi koa̱nle kjoaʼaxin, ali jejin chjota. Kʼiaa tjóxin nga sʼe̱jna kjoajchán xi Armagedón ʼmi, je kjoajchán “xi tsʼe Niná xi batéxoma ngayije” (Apocalipsis 16:14, 16). Kʼianga jekjoetʼa kjoajchán jebi, je chjota nyʼán koatio ngantsjai nichxin tojo kitso Niná (Salmo 37:10, 11, 29).
Tsa mesali jchai tʼatsʼe kjoajchán xi kʼoejna Niná, tʼexkiai jñani “¿Qué es el Armagedón?” tso.
a ACLED Conflict Index: “Ranking violent conflict levels across the world” (Clasificación por nivel de violencia de los conflictos alrededor del mundo), enero de 2024.