TJENYATOKON KUIYOAA
Jmé xi choyalee nga koa̱n nó 2024 | Jótso je Biblia
Nkjín chjota xi kʼoasʼin síkjaʼaitsjen nga tsín sʼe̱ndajin je kjoa xi tísʼe. Tonga kuicho nichxin nga nda kuiyoaa. Jñáni tsoyaná xi tʼatsʼe jebi.
Je kjoachoya xi tsjoáná je Biblia
Je Biblia kʼoatso jmeni xi sʼin je Niná nga nda sʼin kuiyoaa, tobʼelañá kʼoatso nga kjoaʼaxin je kjoa xi kjoañʼai síkjaʼáná. Je “Niná kʼoejon ngayije ndáxko̱n xi tsʼe xko̱n. Likui tisʼe̱ni kjoabiya. Likui tisʼe̱ni kjoaba, nijejin xi kjiʼndía, nijejin xi aon male” (Apocalipsis 21:4).
Tsa mesali jchai jmeni xi tso je Biblia tʼatsʼe jme xi sʼin Niná nichxin xi sʼa nroa, tʼexkiai jñani tso “La esperanza real de un mañana mejor”.
Basenkaoná ndʼaibi jmeni xi tso je Biblia
Je kjoachoya xi tsjoá Biblia basenkaoná nga tsjoa sʼe tokoán (Romanos 15:13). Ya Biblia kʼoati tsjoáná kjoafaʼaitsjen xi basenkaoná ndʼai, tobʼelañá, tʼatsʼe nga ñʼai maná tao̱n, nga tsín kixi jmeni xi matʼeen kʼoa nga chʼin katʼaná.
Kataʼyai josʼin tsakasenkao je Biblia jngo chjota nga tsjoa kisʼe kon ninga ma̱ kisijchá yaole. Chótsenlai je video Juan Pablo Zermeño: Jehová le dio propósito a mi vida.
Kataʼyai josʼin basenkaoná je Biblia kʼianga jngo xíngiaa biya, nga nʼio ba sʼe tokoán kʼoa tsa ñá fané jée yaoná. Tʼexkiai jñani tso “¿Puedo encontrar consuelo en la Biblia?”
Kataʼyai josʼin tsakasenkao Biblia jngo chjoón xi sondado koan. Chótsenlai je video “Cambié las armas por la Biblia”.
A meli chótʼayai je Biblia tokjoatjaoní, kui xi koasenkaoli nga tsjoa sʼe̱ tokuin nó 2024. Kataʼyai josʼin koasenkaoná Niná nga nyʼán sʼin kuiyoaa kʼoa nga nda sʼin kuiyoaa (Jeremías 29:11).