Nga 27 sá enero nó 2023 nkjín chjota xi kui sikjaʼaitsjenya je Día Internacional en Memoria del Holocausto. Nga kʼia nʼio tse kjoañʼai kinikjaʼá chjota, jetsʼato 75 nó tjínle nga kʼoakoan, tonga tsakui nichxin sakʼoa kui chjonangiaa ánni nga kitsjoaʼndeni Niná nga kjoañʼai kinikjaʼá chjota nga kui nichxin.

•   Tsa meli jchai jotso Biblia tʼatsʼe jebi, tʼexkiai jñani tso: “¿Por qué sucedió el Holocausto judío? ¿Por qué Dios no lo impidió?”.

 Je chjota judío nʼio tse kjoañʼai kinikjaʼá. Millón koanni xi kinikʼien. Kʼoati nʼio nkjín chjota xi tsín judío xi kjoañʼai kinikjaʼá kʼoa xi kinikʼien. Je xi kʼoati kui kjoa jaʼatojin jé testigole Jeobá, kʼoa kui nga kitjenngikeni chjota nga kui makjainle jmeni xi tso Biblia.

•   Tsa mesali jchai tʼatsʼe jebi, tʼexkiai jñani tso: “¿Qué les ocurrió a los testigos de Jehová durante el Holocausto?”.

 Nkjín chjota xi kui makjáojinle tsa kʼoakoa̱n ijngokʼa nga tse kjoañʼai kinikjaʼá chjota nichxin kjoatse. Tonga ya Biblia tsjoáná kjoachoya, kʼoatso nga likui tijme kjoañʼai chja̱ʼañá nichxin xi nroaján.

•   “Nga̱ nda ʼbe jmeni xi tisikjaʼaitsjen xi tʼatsaon, kui xi tso je Jeobá, kui xi mena nga nyʼán sʼin kuiyo kʼoa nga tsín kjoañʼai chja̱ʼao. Kui xi mena nga ndasʼin kuiyo nichxin xi sʼa nroa” (Jeremías 29:11). a

 Tochoasa nichxin cha nga je Jeobá kjoaʼaxin je kjoatsʼen kʼoa kui xi sʼin nga ndasʼin kuiyoaa ngatsʼiaa, kui jebi xi sʼin je Niná:

•   Kjoaʼaxin je chjotatsʼen, je xi kjoañʼai síkjaʼá xi kjaʼaí (Proverbios 2:22).

•   Ndasʼin koatio je xi kjoañʼai tjíofaʼá ndʼaibi (Apocalipsis 21:4).

•   Sikjaʼáyanile xi jekʼien (Juan 5:28, 29).

 Koaan koa̱nkjainná jmeni xi tso je Biblia. Tsa mesali jchai xi tʼatsʼe jebi, chótʼai josʼin nga koa̱n chótʼayai Biblia.