TJENYATOKON KUIYOAA
Nkjín xti kinikʼien ya ndʼiaskuela | Jótso je Biblia
Nga 24 sá mayo nó 2022 nʼio tse kjoaxkón kisoko ya naxinandá Uvalde (Texas, Estados Unidos). Je periódico The New York Times kʼoakitso nga jngo chjota xi 19 xtiʼndí kʼoa jao maestra kisikʼien ya ndʼiaskuela primaria xi Robb ʼmi.
Me tokjitʼa nga kʼoama. Je periódico USA Today kʼoakitso nga ya Estados Unidos 249 koanni ndʼiaskuela jñani chʼinsá kisitsin je chjota nó xi jaʼato, ngisʼa nkjínkʼa kʼoakisʼin je chjota xi tojngo nó tikʼoajinni saʼnda nó 1970.
Ánni nga k’oasikji kjoa tjínni. Jméni xi koa̱n sʼiaan kʼiatsa kui kjoa tibitjatojiaan. A kuichoka nichxin nga tjóxin xi chʼaotjín. Yaa Biblia tsoyaná xi tʼatsʼe jebi.
Ánni nga sa tsʼen sa tsʼen kjimani je chjota
Ya Biblia je nichxin xi tiyoaa “nichxin xi kjoetʼa” tsole, kʼoa kʼoatso nga je chjota likui sʼe̱le “kjoatjaochajin” kʼoa nga “toán” koa̱n. Kʼoa jmesani xi tso kuinga “ngisasa tsʼen koa̱n” (2 Timoteo 3:1-5, 13). Tsa mesali jchai tʼatsʼe jebi, tʼexkiai jñani tso: “¿Predijo la Biblia cómo sería la gente en nuestros días?”.
Nʼio nkjín chjota xi kʼoasʼin síkjaʼaitsjen ánni nga to tsjoáʼndeni Niná nga nʼio tse kjoa tjín, tobʼelañá nga kʼoasʼin xti nikʼien ya ndʼiaskuela. Tsa meli jchai jotso Biblia tʼatsʼe jebi, tʼexkiai jñani tso: “Ánni nga kui xi chʼaotjín kʼoamatʼainsíni je xi nda chjota”.
Jmé xi koasenkaoná kʼianga kui kjoa bitjatojiaan xi aon bʼé tokoán
“Je kjoa kichjitʼa ngasʼa, kichjitʼa xi tʼatsʼe nga koakoyaná, jméni nga sʼe̱síniná kjoachoyakaokjoa [...] xi tjínle xo̱n Escrituras” (Romanos 15:4).
Nʼio basenkaoná kjoafaʼaitsjen xi tsjoá Biblia kʼianga kjoa bitjatojiaan. Tsa mesali jchai xi tʼatsʼe jebi, tʼexkiai revista ¡Despertad! jñani tso: “¿Acabará algún día la violencia?”.
Sakʼoa tsokjón je ʼndíxti kʼianga be jmeni xi faʼa ya noticia. Tsa xijchá mai kʼoa meli jchai jokʼuinlai je ʼndíxtili kʼianga síkjáojin nga noticia nrʼoéle, tʼexkiai jñani tso: “El efecto de las noticias en los niños”.
A kuicho nichxin nga tjóxin kjoatsʼen
“Kʼoasjentjai xi tʼatsʼe kjoatsʼen kʼoa nga taon ʼya” (Salmo 72:14).
“Ki̱cha̱bʼenyi sikʼóya espadale kʼoa ki̱cha̱ oso sikʼóya ki̱cha̱ lanzale. Alikui tiskaanni je naxinandá kao xi kjaʼaí naxinandá kʼoa tsín tikjoajchán koationdanile” (Miqueas 4:3).
Je chjota alikui kjimale tífaʼáxin je kjoatsʼen, tonga je Niná koaanle kjoaʼaxin. Jngo chjotaxá tíjnandale Niná xi ya tjen ngʼajmi koatexomani kʼoa xi kjoaʼaxin kjoatsʼen kao ngayeje kicha xi síchjén chjota nga síkiʼaon xínkjín. Tsa mesali jchai jmeni xi sʼin Chjotaxále Niná, tʼexkiai jñani tso: “El Reino de Dios traerá ‘paz en abundancia’”.