Nga ba satío tokoán: Jmé xi koa̱n sʼiaan
“Mela basen jotjín ma chjota xi jejchínga xi tjín ya Estados Unidos xi ba tjío kon. Tonga je xi ngisa bʼetʼale jé xi 18 saʼnda 25 nóle” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).
“Je Organización Mundial de la Salud kʼoakitso nga jngo jtín kisʼejna xi kuinyakao je chjota xi kui chʼin tjínle nga ba satío kon, nga kuinyakao nga nda koaikao xínkjín kʼoa nga koasjaisale jmeni xi kuinyakao chjota nga tsín ti ba katasatíoni kon” (Organización Mundial de la Salud, 15 sá noviembre nó 2023).
Ya Biblia tsjoáná kjoafaʼaitsjen xi koasenkaoná nga nda kjuinkoaa xíngiaa.
Kjoafaʼaitsjen xi tsjoá Biblia
Ali tojijin bijnai. Ali tsakuijin nʼio nichjain redes sociales. Tosa kui kʼoatʼiain jmeni xi koasenkaoli nga cho̱banajmí kao xi kjaʼaí.
Texto xi tsʼe Biblia: “Jngo xi ñaki miyo tsjoakená tokʼiani kʼoa jngoyale ndsʼeñá kʼianga kjoaba tijnajiaan” (Proverbios 17:17).
Tisenkoai xi kjaʼaí. Nga binyakoaa xi kjaʼaí ngisaa nda chobá kʼoa tsjoa satío tokoán.
Texto xi tsʼe Biblia: “Tongisa ndaní nga kʼoee kaoni tsa nga chjoé” (Hechos 20:35).
Tsa mesali jchai jmé textoni xi koasenkaoli nga sʼe̱li miyo, titjásʼain página xi tíjnanajin ya Internet.