TJENYATOKON KUIYOAA
Nʼio sjeya kjima | Jótso je Biblia
“Je jan nó nga nʼio sjeya kjima ya naxinandá China, tonga nó jebi ngisaa tinʼio sjeya koanngáni” (The Guardian, 7 sá septiembre nó 2022).
“Je aon nó nga nʼio sjeya kjima ya naxinandá xi tjío ya África” (Noticias ONU, 26 sá agosto nó 2022).
“Me ngatsʼi chjota xi tjío ya Europa xi tjíosíkjáojin tsa nʼio sjeya koa̱n. Kʼoasʼin síkjaʼaitsjen tsa kʼoakoa̱n ijngokʼa jokoan nichxin kjoan 500 nóján” (BBC News, 23 sá agosto nó 2022).
Nkjín chjota xi kotʼayason tʼatsʼe nga nʼio sjeya kjima xi kʼoatso nga ngisa sjeya koa̱n nichxin xi nroaján. A kuichoka nichxin nga likui tinʼio sjeya koa̱nni. Jótso je Biblia.
Ya Biblia tongini kʼoakitso nga nʼio sjeya koa̱n
Kui jebi xi tso Biblia tʼatsʼe nichxin xi tiyoaa ndʼaibi:
“Kʼoa kjaí nkjín ʼnde koa̱n kjinrá” (Lucas 21:11).
Nga nʼio sjeya ma, choa tsojmi majchá. Ya Biblia tsoyaná jme xi ma kʼianga kjinrá sʼe, nga tse kjoaʼaon tjenkao kʼoa nga kjoabiya bichómani (Apocalipsis 6:6, 8).
Ánni nga nʼio sjeya kjimani
Yaa Biblia tsoyaná xi tʼatsʼe jebi, itso:
“Likui bakinle je chjota xi tsoʼba nga je koandiaale yaole”(Jeremías 10:23).
Texto jebi kui bakóyaná nga tsín nda bichómani nga toyaole fini je chjota. Nga tsín nda kosonnile jmeni xi sʼín kui kjinrá mani.
Je chjota científico kʼoatso nga je chjota xotjíosʼín nga nʼio sjeya kjima jngo tjíjtsa Sonʼnde. Kʼoa nga nʼio sjeya kjima choa tsojmi kjimajchá.
Nga to yaole fini chjota nʼio tse kjoa bichómani, nga bateson yá, nga tíbitson Sonʼnde kʼoa nga tsín kjima nda tjíosíchjén jmeni xi tjín yaa nroani nga tíxíya nandá.
Tonga tsjoa báya tokoán jmeni xi tsoná Biblia.
A kuichoka nichxin nga nda kuiyoaa
Ya Biblia kʼoatso nga je Niná alikui tsjoáʼnde nga xíya nandá. Jméni xi sʼin.
1. Je Niná kjoaʼaxin “je xi sikitsón sonʼnde” (Apocalipsis 11:18). Kjoaʼaxin je chjota xi tjíosíkitsón je Sonʼnde: je chjotatsʼen kʼoa kao xi xkaiʼa (2 Timoteo 3:1, 2).
2. “Ya ʼndekixí kuitjoo nandá, kʼoati kuitjo jñani tokijna tsjotsjo” (Isaías 35:1, 6, 7). Jé Niná xosʼin nga tsín tinʼio sjeya koa̱nni, sʼe̱jna xkoén xkoén je Sonʼnde kʼoa toxkia sʼee nandá.
3. “Tinikuindaní je nangi kʼianga nʼio katasʼe tsojmi kʼoa nga nda katama tsojmintje” (Salmo 65:9). Jé Niná xosʼin nga toxkia sʼe̱ná tsojmi xi ma chine kʼoa nga tse nandá katasʼe.