Kʼianga tanjioya nga 24 sá febrero nó 2022 je sondadole Rusia yaa Ucrania jaʼasʼen, ninga nkjín mani je chjotaxá xi tjínle nganʼio jngo tjíjtsa Sonʼnde xi tsín mele tsakai nga kjoajchán sʼe̱. Je xi António Guterres ʼmi, xi secretario general sʼin tíjnale Naciones Unidas kʼoakitso nga tse kjoañʼai koatiojin je chjota xi Europa tjío kʼoa nga tsín tinda koationi je chjota jngo tjíjtsa Sonʼnde.

•   Je Jesucristo kʼoakitso nga kuichoka nichxin nga “kuisótje̱nne naxinandá kontrale xi kjaʼaí naxinandá, kʼoa kjoatéxoma kuisótje̱nne xi kjaʼaí kjoatéxoma” (Mateo 24:7). Tʼexkiai jñani “¿Cuál es la señal de los últimos días o de los tiempos finales?” tso, yaa tsoya nga ñaki tíbitjoson jmeni xi kitso Jesús nga kjoajchán sʼe̱.

•   Ya libro xi tsʼe Apocalipsis kui síngósonkao je kjoajchán “jngo naxín xi ní kji” kʼoa kʼoatso nga “kjoaʼaxin xi nyʼán chon xi tsʼe sonʼnde” (Apocalipsis 6:4). Kʼianga jchasai xi tʼatsʼe jebi, tʼexkiai jñani “¿Qué representan los jinetes del Apocalipsis?” tso, yaa tsoya nga ñaki tíbitjoson jmeni xi tso Biblia nga kjoajchán kjima.

•   Ya libro xi tsʼe Daniel kʼoati nchja̱ni tʼatsʼe “rey xi norte tsʼe” kʼoa kao “rey xi sur tsʼe”, kʼoa kʼoatso nga kontra koatiole xínkjín (Daniel 11:25-45). Nga koa̱njinná ánni nga jeni Rusia kao xi ya tsjoánganʼiole “rey xi norte tsʼe” a chótsenlai je video El cumplimiento de la profecía de Daniel 11.

•   Je libro xi tsʼe Apocalipsis kʼoati síkʼaxki̱ je kjoajchán “xi tsʼe Niná xi batéxoma ngayije” (Apocalipsis 16:14, 16). Tonga kjoajchán jebi ali tsa naxinandájin skan tojo kjima ndʼaibi. Tʼexkiai jñani “¿Qué es el Armagedón?” tso, yaa tsoyasa tʼatsʼe kjoajchán jebi.

•   Ya Biblia kʼoatso nga Niná “kjoaʼaxin kjoajchán ngakjijnda sonʼnde” (Salmo 46:9). Tʼexkiai jñani “La esperanza real de un mañana mejor” tso, nga jchasai jmesani xi tso Niná.

•   Je Jesús kʼoakitsole je chjotatjenngile nga kui katasíjé nga katanroa chjotaxále Niná (Mateo 6:9, 10). Chjotaxá jebi yaa ngʼajmi tíjna kʼoa kʼoasʼin josʼin mele Niná i̱ Sonʼnde. Kʼoa jngo koya xi mele Niná kuinga kjoanyʼán sʼe̱ i̱ Sonʼnde. Nga jchasai jósʼin koasenkaoli chjotaxá jebi chótsenlai je video Jméni je xi kjoatéxomale Niná tsole Biblia.

 Ya naxinandá Ucrania tsʼato 129,000 mani testigole Jeobá. Tojo sʼín ngatsʼi testigole Jeobá xi tjío jngo tjíjtsa Sonʼnde, jé Jesús kjenngile kʼoa tsín i̱ tsjonjin yaole jme xi chon sonʼnde. Kuinga tsín kjoa política tsjonjinni yaole kʼoa alikui kjoajchán fijin (Juan 18:36). Jngo tjíjtsa Sonʼnde je testigole Jeobá kui tsoya “je énnda xi tʼatsʼe je kjoatéxomale ngʼajmi”; kui tsoyason nga sʼe̱ndajin kjoa xi tjín, jolani kjoajchán (Mateo 24:14). Koaan kuinókjoanáijin nga jchasai jmeni xi tso Biblia tʼatsʼe nichxin xi sʼa nroa.