TJENYATOKON KUIYOAA
Tími chjíle tsojmi jngo tjíjtsa Sonʼnde | Jótso je Biblia
Je presidente xi tsʼe Grupo Banco Mundial kʼoakitso kʼianga sá junio nó 2022 nga tími ijngokʼa chjíle tsojmi jngo tjíjtsa Sonʼnde, nga ngotjo tímini kʼoa nga tsín ti masonnile taon je chjota nga batse tsojmi.
Kʼoakitso Fondo Monetario Internacional nga ngotjo tímini chjíle je ndáti kao tsojmi xi ma chinee kʼoa nga nʼio tjíobʼetʼale je chjota xi choa tao̱n tjín ya naxinandále.
Ya Biblia tsoyaná ánni nga kʼoasikji tímini chjíle tsojmi, jméni xi sʼiaan nga tsín kui sikʼajen tokoán kʼoa ʼyáni xi koa̱nle kʼoendajin kjoa jebi.
Nga tími chjíle tsojmi nichxin fetʼa xi tiyoaa ndʼaibi
Ya Biblia “nichxin xi kjoetʼa” tsole je nichxin xi tiyoaa ndʼaibi (2 Timoteo 3:1).
Je Jesús kʼoakitso nga “sʼe̱ kjoaxkón” kʼianga jekjoaʼaí nichxin fetʼa (Lucas 21:11). Kʼianga mi je chjíle tsojmi je chjota nʼio tsokjón nga̱ likui majinle jokji ñʼaisa koa̱nchon nichxin xi sʼa nroa kʼoa tsa so̱koʼale je familiale.
Ya libro xi tsʼe Apocalipsis tongini kʼoakitso nga kui̱n chjíle tsojmi nichxin fetʼa xi tiyoaa ndʼaibi. Itso: “Jotjín machjíle nga jngo nichxin je choʼnda jngo litro trigo kuinje̱le” (Apocalipsis 6:6 TNM).
Tsa mesali jchai xi tʼatsʼe “nichxin xi kjoetʼa” kʼoa kao jme xi tínchja̱ni je libro xi tsʼe Apocalipsis, chótsenlai je video En 1914 el mundo cambió de rumbo kʼoati tʼexkiai jñani tso: “¿Qué representan los jinetes del Apocalipsis?”.
ʼYáni xi koa̱nle kjoaʼaxin nga tími je chjíle tsojmi
“Alikui tsa kʼoenda kʼoa kjaʼaí xi sichjén; alikui tsa kʼoentje kʼoa kjaʼaí xi ski̱ne” (Isaías 65:21, 22).
“Nʼio sʼe̱ tsojmintje i̱ sonʼnde; toxkia sʼee ya jko̱nindo” (Salmo 72:16).
“Nga kjoañʼai tjíojin je chjota, nga kjoañʼai tjíonikjaʼá xi ma̱ tjíosíjchá yaole, an koasenkoa, kui xi tso je Jeobá” (Salmo 12:5). a
Je Niná jeme kjoaʼaxin jngo tjíjtsa sonʼnde nga ma̱ tinijchá yaoná. Tsa mesali jchai xi tʼatsʼe jebi, tʼexkiai jñani tso: “¿Es realista esperar un sistema económico justo?”.
Ninga kjesa kʼoamajin, je Biblia koasenkaoli nga jchai jme xi sʼiain nga chjí kjima je tsojmi. Je kjoafaʼaitsjen xi tsjoá koasenkaoli nga chja̱ʼa̱ si̱koai je tao̱nli (Proverbios 23:4, 5; Eclesiastés 7:12). Tsa mesali jchai xi tʼatsʼe jebi, tʼexkiai jñani tso: “Cuide su economía” kʼoa kao “Cómo vivir con menos”.
a Jeobá ʼmi je jaʼaínle Niná (Salmo 83:18).