TJENYATOKON KUIYOAA
Jejngo nó nga kitsʼia kjoajchán ya Ucrania | Jótso je Biblia
Jejngo nó kuichomani nga bixine 24 sá febrero nó 2023 nga kitsʼia kjoajchán ya naxinandá Ucrania, tjínkʼa chjota xi kʼoatso nga jela 300,000 sondado kinikʼien kʼoa tsa kitsiʼaon xi Ucrania kʼoa xi Rusia tsʼe, kʼoa jela 30,000 xi toxkia chjota xi kʼien. Tonga tochale ngisa nkjín mani xi jekʼien.
Alikui ʼyale kʼiáni kjoetʼa kjoajchán jebi.
“Jeme jngo nó nga jaʼasʼen chjotakjoajchán xi Rusia tsʼe ya Ucrania kʼoa tojo kje ʼyajinle kʼia kjoetʼa kjoajchán jebi. Alikui ʼyale ʼyáni xi kuinjele kʼoa alikui jme kjoa xi tísʼendajin” (NPR [radio pública nacional de Estados Unidos], 19 sá febrero nó 2023).
Nkjín chjota xi makjáojinle tʼatsʼe je kjoañʼai xi tísʼe nga kjoajchán tjín kʼoa nga nkjínsa kjoa tísʼe jngo tjíjtsa Sonʼnde. Jótso je Biblia. A kuicho nichxin nga tjóxin kjoajchán.
ʼYáni xi koa̱nle kjoaʼaxin kjoajchán
Ya Biblia nchja̱ni tʼatsʼe jngo kjoajchán xi likui chjota sikjeson, tosaa kʼoasjentjai. Kjoajchán jebi Armagedón sʼin ʼyale kʼoa ya Biblia kʼoatso nga “tsʼe Niná xi batéxoma ngayije” (Apocalipsis 16:14, 16). Kʼoa kui sichjén je Niná nga kjoaʼaxin je chjotaxá sonʼnde, nga̱ nʼio tse kjoa tjíobajngi nga tjíosíkjeson chjota. Tsa mesali jchai josʼin kjoaʼaíkao kjoanyʼán je kjoajchánle Niná, tʼexkiai jñani tso: