Tsa si̱miyoaa xi kjaʼaí koasenkaoná nga tsín ba sʼe̱ tokoán | Jótso je Biblia
Kʼianga nó 2023 je chjinexki kʼoakitso nga nʼio nkjín chjota xi kjoaba tjíobʼetʼale kʼoa nga machjénle nga tjín xi kuinyakao. Jmé xi kuinyakao xi ba tjío kon.
Jngo chjinexki xi i̱ kitso: “Kʼianga ba tjío kon je chjota kʼoa nga toje bʼa yaole sokóchʼinle kʼoa alikui tinda satíoni kon. Tonga je xi kuinyakao kuinga tjín xi katasʼín nga nyaon nyaon nga katasímiyo xi kjaʼaí” (Vivek Murthy, director general de Salud Pública de Estados Unidos). a
Ali tsa tokʼiajin nga ba satío kon je chjota nga toje tjío, kʼoati male ninga chjota tjíojinle. Ya Biblia faʼaitʼa kjoafaʼaitsjen xi koasenkaoná nga si̱miyoaa xi kjaʼaí ánni nga tsín ba sa̱tíoni tokoán.
Kjoafaʼaitsjen xi koasenkaoná
Chja̱kaonajmí xi kjaʼaí. Tʼeyanajmílai xi kjaʼaí jotjín tokuin tonga kʼoati tinóʼyalai jme xi kʼoeyanajmíli. Kʼiatsa koakolai nga mandosinli ngisaa koa̱nmiyui.
Texto xi tsʼe Biblia: Ali tokuijin kuenta “nʼiao xi totsaon kjoa, tonga kʼoati tʼiaon kuinda tsʼe xi kjaʼaí chjota” (Filipenses 2:4).
Nkjín chjota timiyui. Timiyui xi jechjotajchínga kao xi sʼa xti kʼoa kao xi xin ʼndele.
Texto xi tsʼe Biblia: “Titseyao ni̱ma̱no” (2 Corintios 6:13.
Tsa mesali jchai jme xi koasenkaoli nga si̱miyui xi kjaʼaí, tʼexkiai jñani tso: “Cómo saciar la sed de amistad.”
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.
Tsa kʼoati meli jchai xi tʼatsʼe jebi
DIBUJO XI SÍKJAN
Jósʼín je xi ñaki miyo ʼmi
Ngotjo sokóniná je xi tsínni ñaki miyo, tonga jmé xi sʼiain nga so̱koli jngo miyo xi ñaki nda.
KJOAJTÍN
Jméni xi ma kʼianga biyojtínjin
Kataʼyai jochon ya Ndʼia jña biyojtínjin kʼoa jme xi nʼiaijin.
