TJENYATOKON KUIYOAA
A koaan xkóson kʼoétsʼoalee | Jótso je Biblia
Tojo kitso noticia xi tsʼe Catholic News Service xi kitjo nga 25 sá marzo nó 2022 kʼianga kisʼejna mixa ya yo̱ngo̱ xi tsʼe San Pedro. Kʼoakitso nga je papa Francisco yaa tsakasen jñani tíjna xkósonle María nga tsakʼéchjoa xko̱n kʼoa kʼianga tsakʼétsʼoa kui kisijéle nga katasʼe kjoanyʼán. Je página xi tsʼe Internet xi Vatican News ʼmi kʼoakitso nga je papa kui tsakʼétsʼoantjai je naxinandá, jolani Rusia kao Ucrania kʼoa yaa tsakasen jñani tíjna xkósonle María.
A ndatjín tsa xkóson kʼoétsʼoalee kʼoa tsakui si̱chjén kʼianga kʼoétsʼoalee Niná. Kataʼyala jotso Biblia.
“Ali tsa xkósonjin nindai, nijejin xi kʼoakji jokjoan xi tjío ngʼá, tsa xi tjío tʼanangi kʼoa tsa xi tjío ya jinnandá. Ali tsa xkólijin basenlai kʼoa nikuijinla nimetokuin nga je si̱xálai, nga̱ an, Jeobá Nináli kʼoasʼin bʼene nga toʼankjoan kataʼyaxkónna. Tsjoale kjoañʼai je xtile chjota xi jtikena kʼoa kao xtindaile kʼoa kao xtile xtindaile” (Éxodo 20:4, 5). a
“Je xkósonle chjota tao̱n siné kʼoa kao tao̱n chxoa koandani, kʼoa to kao ndsja chjota kisindani. Tjín tsʼoa, tonga alikui ma nchja̱; tjín xko̱n, tonga alikui matsenle; tjín xoño, tonga alikui nrʼoé. Tjín nitjo̱n, tonga alikui jme xi njenle. Tjín ntsja, tonga lijme xi ma síkao. Tjín ndso̱ko̱, tonga alikui ma fi; kʼoa alikui male nchja̱. ʼYani xi kʼoakjoan xi sínda kʼoati koakjoan tsanda je, ngatsʼi xi kʼoati je sínʼiotʼa” (Salmo 115:4-8).
“Anña Jeobá. Kui jebi jaʼaínna; kʼoa liʼya xi tsjoale kjoajeyana kʼoa likui tsjoaʼnde nga xkóson chʼa̱sjengʼa ʼndele nga an chʼa̱sjengʼana” (Isaías 42:8).
“Tinyaxinlao kjoale xkóson” (1 Corintios 10:14).
“ʼNdíxtina, chja̱ʼaxinlao yaono ngayije xi xkóson kjoan” (1 Juan 5:21).
Tsa mesali jchai jmeni xi tso Biblia tʼatsʼe jotjínni nga xkóson nichjén kʼianga bʼetsʼoalee je Niná, tʼexkiai artículo jebi: “El punto de vista bíblico: Las imágenes” tsa maije̱ chótsenlai video ¿Quiere Dios que usemos imágenes para adorarlo?
Tsa meli jchai jmesa xi bakóya Biblia tʼexkiai artículo jebi:
“¿Son señales de Dios los milagros y apariciones?”
Photo credit: Vincenzo Pinto/AFP via Getty Images
a Jeobá ʼmi je jaʼaínle Niná (Salmo 83:18). Tʼexkiai artículo jebi “¿Quién es Jehová?”.
Tsa kʼoati meli jchai xi tʼatsʼe jebi
XI NCHJA̱SANI
Je religión, a koaan kjoa política tsjónjin yaole
Jngo tjíjtsa Sonʼnde, je xi chjotatjenngile Cristo tsole yaole kjoa política fisʼenjin. A ndatjín nga kʼoasʼín.
XI MACHJÉN NGA JCHAA
A sasénle je Niná kʼiatsa xkóson si̱chjén kʼianga kʼoétsʼoalee
A koaan si̱chriantʼalee Niná ninga tsín matsen.
XI MACHJÉN NGA JCHAA
A sasénle Niná ngatsʼi religión
Nkjín chjota xi kʼoatso nga nda ngayeje je religión.
TJENYATOKON KUIYOAA
Jméni xi tjíosʼín religión nga kjoajchán kjima ya Ucrania | Jótso je Biblia
Je xi nyatítjonle religión tjíotsjoánganʼiole kjoajchán xi kjima kʼoa alikui tjíosítjoson jmeni xi kitso Jesús.
