TJENYATOKON KUIYOAA
Je chʼin xi tjíotsaotʼale je xi sʼa xti | Jótso je Biblia
Nga lune 13 sá febrero nó 2023, je Centros para el Control y la Prevención de Enfermedades (CDC, letra xi machjén nga én inglés) xi tsʼe Estados Unidos kui kitsoya jotjíosatío kjoafaʼaitsjenle je xti xi ya tsʼe naxinandá jebi. Kʼoakitso nga tsʼato 40% je xti xi secundaria tjíokotʼaya nga me tongantsjai nga ba satío kon.
Je chjoón chjinexki xi Ethier mi, xi directora tíjnale je Sección de Salud Escolar y del Adolescente de los CDC, i kitso: “Ningalani jete nó tjínle nga sa tse sa tse chʼin tjíosʼele je kjoafaʼaitsjenle xi sʼa xti, ndʼaibi je xtiyánchjín kui síkjaʼaitsjen nga mele sikʼien yaole”.
Kui xi kitso je informe:
Nga 100 je xtiyánchjín teñola mani xi to kjoanʼio kisʼenele nga tjín xi tsakjayokao. I kitso je chjoón chjinexki Ethier. “Nʼio tse kjoa tjíofaʼatojin xi sʼa xti. Tsa 10 mani xtiyánchjín xi ʼyaxkuin, jngola kʼoa tsa nkjínsa xi kinikaojée”.
Tsa jan mani xtiyánchjín, mela jngo xi kʼoasʼin síkjaʼaitsjen nga sikʼien yaole.
Tsa aon mani xtiyánchjín, janla xi to ba tjío kon ngantsjai kʼoa xi tsín jme kjoachoya tjínle.
Nʼio ba satío tokoán nga sʼejinná xi tʼatsʼe jebi, nga̱ je xti tjínnele nga tsjoa sa̱tío kon tsakai. Jméni xi koasenkao je xi sʼa xti nga tsín nʼio katasíkjáojin. Jótso je Biblia.
Ya Biblia faʼaitʼa kjoafaʼaitsjen xi koasenkao je xi sʼa xti
Je Biblia kʼoatso nga toxá nʼio tse kjoa kuitjátojinñá nichxin xi tiyoaa ndʼai, kʼoatso nga “nichxin xi kjoetʼa kjoaʼaíná kjoañʼai xi tse” (2 Timoteo 3:1-5). Tonga je Biblia kʼoati tsjoáná kjoafaʼaitsjen, kʼoa jemillón mani je xi sʼa xti xi tjíobinyakao kjoafaʼaitsjen xi faʼaitʼa Biblia. Tobʼelañá, koaan chótʼai kjoafaʼaitsjen xi Biblia kitjoénile xi faʼaitʼa i̱bi:
Xi koasenkao je xi sʼa xti xi kui síkjaʼaitsjen nga sikʼien yaole
Xi koasenkao je xi sʼa xti xi depresión tjínle kʼoa xi ba satío kon
Borra la tristeza (video de “La pizarra animada”).
Xi koasenkao je xi sʼa xti xi totaon ʼya (bullying)
Jósʼiain nga tsín kao kjoatsʼen si̱toánntjai yaoli (video “Dibujo xi síkjan”).
Xi koasenkao je xi sʼa xti xi si nikao
¿Qué debes saber sobre las agresiones sexuales? Primera parte: Precauciones que deberías tomar
¿Qué debes saber sobre las agresiones sexuales? Segunda parte: Cómo puedes recuperarte
Je Biblia kʼoati tsjoále kjoafaʼaitsjen xi basenkao je xi xijchá ma
Je Biblia kʼoati tsjoále kjoafaʼaitsjen xi xijchá ma nga koa̱n koasenkao je xtile tʼatsʼe je kjoa xi faʼatojin. Tobʼelañá, koaan chótʼai kjoafaʼaitsjen xi Biblia kitjoénile xi faʼaitʼa i̱bi:
Tsa kʼoati meli jchai xi tʼatsʼe jebi
XO̱N XI BÁJINKONNÁ
Kʼianga chʼin tsaotʼale kjoafaʼaitsjenná
Katʼale chʼin kjoafaʼaitsjenná tojotjín nóná kʼoa tojñani tsaan. Kataʼyai josʼin koasenkaoli Biblia nga nda sʼe̱ ijngokʼani kjoafaʼaitsjenli.
XI MACHJÉN NGA JCHAA
Ánni nga títsjoáʼndesíni Niná nga kjoañʼai tjín
Nkjín chjota xi kui kjonangi ánni nga kʼoasikji kjoatsʼen kao kjoañʼai tjínsíni i̱ Sonʼnde. Je Biblia kʼoatso nga tjínná jngo kjoachoya.
XI MACHJÉN NGA JCHAA
Jmé xi sʼiaan nga miyole Niná koaan
Je chjota kui xi mele nga skoe̱ xi tʼatsʼe Niná. Je Biblia basenkaoná jósʼiaan nga miyole koaan je Niná. Machjén nga títjon jchaa joʼmi je jaʼaínle.
XI TʼATSAINJIN
Tijái nga kataʼmiyali Biblia
Kataʼyai jme xi tsoya Biblia kʼoa tsa tʼatsʼe testigole Jeobá.
