Je Biblia Énle Ninání. Yaa mangóson jngo karta xi kjile jngo nʼai je ʼndíxtile (2 Timoteo 3:16). Yaa kʼoatsoná Niná jmeni xi sʼiaan nga sa̱sénle xi tʼatsaan, kʼoatso anni nga títsjoáʼndesíni nga kʼoakjima xi chʼaotjín kʼoa kʼoati tsoná jmeni xi sʼin nichxin xi nroaján. Tonga je chjotatítjonle relijión alikui kixi sʼin tjíobakóya je Biblia, kʼoa kuinga nʼio nkjín chjota xi kʼoasʼin makjainsínile nga ñʼai tíjna nga koa̱njinná Biblia (Hechos 20:29, 30).

Je Jeobá kui xi mele nga jchaa jokjoantjínni xi tʼatsʼe kʼoa kuinga je libro xi kitsjoaná likui ñʼai tíjnasíni nga koa̱njinná. (Tʼexkiai 1 Timoteo 2:3, 4.)

Ali tsa tokuijin Biblia xi kitsjoaná je Jeobá, kʼoati títsjoáná jmeni xi koasenkaoná nga koa̱njinná. Kisikasén je Jesús i̱ Sonʼnde kʼianga tsakakóyaná (Lucas 4:16-21). Je Jesús yaa kiskoenile je xo̱n Escritura josʼin kitsoya. (Tʼexkiai Lucas 24:27, 32, 45.)

Je Jesús jngo jtín kisikʼéjna xi tosi tonda kʼoasʼin je xá xi tsakʼétsʼiakao (Mateo 28:19, 20). Nichxin xi tiyoaa ndʼai, je xi ñaki chjotale Cristo ma kʼoati ñaki kao kjoatsjoa binyakao je chjota nga katamajinle jmeni xi bakóya Biblia tʼatsʼe Niná. Kʼiatsa meli nga koa̱njinli je Biblia, kʼoatʼinlai je testigole Jeobá nga katabakóyali. (Tʼexkiai Hechos 8:30, 31.)