A koaan si̱nʼiotʼaa je relijión jotjíosʼín xi tʼatsʼe tao̱n
Jngo chjoón xi Estelle * ʼmi, ntsjaintsjai fi tsakai ya yo̱ngo̱ kao ʼndíxtile. Kʼoa ñandia kʼoakitsole je xi séntítjonle yo̱ngo̱le nga mele ngisa nda koa̱njinle jotso je Biblia. Tonga chan likui tikini ya yo̱ngo̱le, nga̱ je chjota jebi alikuikʼia tsakasenkao. Kʼoa i kitso: “Jngo xo̱n kichona xi tsʼe yo̱ngo̱ jña fia tsakai xi kʼoatso nga koa̱n to tao̱n sikasén kʼiatsa tsín kʼoakoa̱nna nga ya kjuía. Kʼiaa tsaʼbe nga tojéni tao̱nna xi ngisa mandosinle”.
Kʼoa jngo chjoón xi Angelina ʼmi, kʼoati nʼio kisisin ya yo̱ngo̱ tsakai kʼoa i kitso: “Kʼianga sakóya énle Niná ya yo̱ngo̱ jña fia tsakai, jan kʼa síkjaʼato je charola kʼoa tjínnele nga tao̱n nikatíoyá nga jngó jngó kʼa. Ñaki to tao̱n síjéʼnde. Alikuijin i̱ tíjnakao Niná je chjota xokjoan, kixinña”.
Tikjaʼaitsjenlai je relijión xi ʼyai. A ñaki kjoanʼio sʼenele je chjota xi ya bichó nga tao̱n katatsjoá. A mangóson jebi kao jmeni xi bakóya je Biblia.
JMÉNI XI BAKÓYA JE BIBLIA
Je Jesús i kitso: “Tokjoatjao kitsʼaino, tokjoatjao tʼainio” (Mateo 10:8). Je Énle Niná alikui koa̱n sa̱téna kʼoa tjínnele sa̱kóyale toʼya chjotani.
Je chjotale Cristo xi títjon tsakatio, jñá kikʼá je tao̱n xi koanchjénle jña tsakatiojtín.
Nga jngó jngó kʼoasʼin kitsjoa “josʼin [kis]kosonnile ni̱ma̱le, ali kao kjoabajin, nikao kjoanʼiojin, nga̱ Niná tsjoake je xi kao kjoatsjoa tsjoá” (2 Corintios 9:7). Kuilakji je pastro Pablo, ndʼianajño kisinda nga tsakajngi je tao̱n xi koanchjénle kʼianga kʼoakisʼin xá xi tsʼe Niná (Hechos 18:2, 3). Kʼoa i kitso: “Kinixáijin nichxin nga nitje̱n, jméni nga tsín ʼya xi jon xi nichʼánesínilaijin. Kʼoasʼin kinokjoayajinlaijin je énnda tʼatsʼe Niná” (1 Tesalonicenses 2:9).
JÓSʼÍN JE TESTIGOLE JEOBÁ XI TʼATSʼE JEBI
Ya Ndʼia jña kotʼaya je Testigole Jeobá alikui tsa síxkónkjoan. Jñáni fikʼá je tao̱n xi machjénle jña batiojtín. Alikui tsa tao̱n bʼéña nga batiojtín kʼoa ni tao̱njinla kjoanʼio síjéle je xi ya bichó. Je xi bichó ni̱ma̱le nroajinni jotjín síkatíoya ya kaxa̱ xi kui xá tjíoni.
Jñáni tjínnele koaikʼá je tao̱n xi sichjén je relijión
Kjoaixiní nga tao̱n sʼengi kʼianga manda kʼoa nga bitjo rebista jebi. Tonga nikʼiajinla kui faʼaitʼa ibi tsa tjín xi tísaténa kʼoa ni tao̱njinla nijéle chjota. Tokuikjoan xá bitjoni nga tsoya jokjoantjínni xi tʼatsʼe Biblia.
Jósi xi tʼatsʼe jebi. A kʼoatjíosʼín je testigole Jeobá jokitso Jesús xi tʼatsʼe tao̱n kʼoa jokisʼin je chjotale xi títjon tsakatio.
^ párr. 2 Alikui tsa ñaki kʼoaʼmi kʼa je chjota xi bʼaxki̱ i̱ kjoaʼmiya jebi kao xi fisani.
