Je kʼien joxi tokjiofení, lijme xi tibeni kʼoa lijme xi tikoa̱nnile sʼin. Tonga je Niná xi kisinda ngatsʼi xi tjíokon koaanle sikjaʼáyanile. Jómani ʼyaa nga koa̱nle kʼoasʼin. Kuinga kitsjoale nganʼio je Jesús nga nkjín chjota kisikjaʼáyale nichxin kjoatse. (Tʼexkiai Eclesiastés 9:5 kao Juan 11:11, 43, 44.)

Je Niná jekitsjoa énle nga sikjaʼáyale je chjota xi jekʼien xi ya tjíojin kjoafaʼaitsjenle. Yaa sikjaʼáyale ya sonʼnde chjotse. Je Niná ndʼaikjoán mele sichjén nganʼiole nga sikjaʼáyanile je kʼien. (Tʼexkiai Job 14:14, 15.)

Kʼianga kjoaʼáyale je kʼien, tojo jéni, tojo skoee ʼyani xi xínkjín ma kʼoa kao je miyole. Ningalani jekjoatse kʼien, je Niná jngo yao chjotse tsjoále kʼianga sikatíokon ijngokʼani. (Tʼexkiai 1 Corintios 15:35, 38.)

Je xi kjoaʼáyale, tjíokʼa xi ya koatio ya ngʼajmi (Apocalipsis 20:6). Tonga me ngatsʼi xi kjoaʼáyale nga i̱ tʼanangi koatio kʼianga jenaskánakoa̱nchon. Kʼiaa kʼoetsʼiakao ijngokʼa nga koatiokon kʼoa koaan koatio ngantsjai nichxin. (Tʼexkiai Salmo 37:29 kao Hechos 24:15.)