Kʼianga nó 33 nga kjesa fijin je Jesucristo ya ngʼajmi kʼoakitso nga kjoaʼaí ijngokʼani. Kʼoakitso nga ya mangóson jngo chjota xi ngʼa tíjna xi xin ʼnde ki kʼoa jaʼai ijngokʼani nga koanskanni, kʼoa rey sʼin tsakʼejna nga jaʼai. Kui xi tsonile, nga kui xá kjoaʼaí ijngokʼani Cristo nga koatexomale chjotasonʼnde. (Tʼexkiai Lucas 19:11, 12.)

Jósʼin faʼai ijngokʼani Cristo. Kʼianga jaʼáyale kui tsakʼaile yao xi tsín matsen (1 Pedro 3:18, TNM). Yaa ki ya ngʼajmi kʼoa yaa tsakʼejnatʼa ntsja ngakixile Jeobá (Salmo 110:1). Xi jeki nichxin, je Jeobá, je “Chjotajchínga xi tsʼe Nichxin”, kitsjoale xá nga koatexomale chjotasonʼnde. Jebi kui xi tsonile nga kʼia jaʼai je Jesús nga rey sʼin tsakʼejna, ali tsa ñaki matsenjin nga jaʼai. (Tʼexkiai Daniel 7:13, 14.)

Kʼianga kjoaʼaí je Jesús kao ánkjele jé chjotasonʼnde kjoaʼaíkʼéndajinle. Sikjeson je xi tsʼen kʼoa kjoabijnachon xi tsínkʼia fetʼa tsjoále je xi mele nga je koatexomale. (Tʼexkiai Mateo 25:31-33, 46, TNM.)

Xi ijngosani, ʼndenaxó sikao Sonʼnde kʼoa sikjaʼáyale xi jekʼien ánni nga ya koatiosíni ya ʼndenaxó. (Tʼexkiai Salmo 37:29, Juan 11:25.)