Je Jeobá síchriantʼaná
“Tichriantʼalao Niná, kʼia kʼoati je sichriantʼano nga jon.” (SANT. 4:8)
1. 1) Jméni xi machjénná xi chjotaa. 2) ʼYáni xi koa̱n tsjoáná jebi.
NGATSʼIÑÁ nga machjénná xíngiaa. Nʼio tsjoa satío tokoán nga tjío familianá kʼoa kao miyo xi tsjoakená, xi bechjíná kʼoa xi nda bená. Tonga je xi ngisa tjínnele nga si̱miyoaa jéní Jeobá, je Niná xi kisindaná (Ecl. 12:1).
2. 1) Jméni xi tsoná je Jeobá. 2) Ánni nga tsín makjainsínile chjota nga koa̱n sichriantʼaná je Niná.
2 Ya Biblia, je Jeobá kʼoatsoná nga si̱chriantʼalee. Tsa kʼoasʼiaan, sichriantʼaná tsanda je (Sant. 4:8). Nʼio tsjoa bʼé tokoán én jebi. Nʼio nkjín chjota xi tsín makjainle tsa koa̱n sichriantʼaná je Niná, kʼoasʼin síkjaʼaitsjen nga tsín bakinle kʼoa tsa maije̱ kʼoasʼin makjainle nga nʼio kjin tíjna Niná. A koaan nga ñaki miyoná koa̱n je Jeobá.
3. Jméni xi ñaki kʼoakʼoé tokoán.
3 Koaan ñaki kʼoakʼoé tokoán nga koa̱n jchaa je Jeobá kʼiatsa mená nga kjoásjee, nga̱ “tsín tsa kjin tíjnaná nga jngójngoá” (tʼexkiai Hechos 17:26, 27 kao Salmo 145:18). * Je Niná kui xi mele nga si̱chriantʼalee kʼoa nga miyole katamaa ninga chjotajéelañá (Is. 41:8; 55:6). Kʼoakisʼin je salmista kʼoa i kitso xi tʼatsʼe Jeobá: “Ji xi Noʼyai kjoabʼetsʼoa, kjoaʼaínrʼoeli tojo kji chjotani. Nʼio tsjoa tjínle je xi ji chjoejin kʼoa je xi ji chjoebʼakjái” (Sal. 65:2, 4). Jngola choa̱ kataʼyaa tʼatsʼe jngo rey xi kisichriantʼale Niná, jé xi Asá tsakʼin. Kʼoa kataʼyala jotso Biblia jmeni xi kisʼin je Jeobá. *
JNGO CHOA̱ XI BAKÓYANÁ JMENI XI KOAN NICHXIN KJOATSE
4. Jmé choa̱ xi nʼio nda tsakʼéjnale rey Asá je naxinandá Judá.
4 Je rey Asá kisitoánntjai je kjoaʼyaxkón xi kixi. Tsakjaʼáxin je kjoachajngi kao kjoaxkóson xi kisʼe ya yo̱ngo̱. Nga jao koya kjoa jebi nʼio jetsangabason ya naxinandá (1 Rey. 15:9-13). Je Asá kuinga kʼoakitsonile naxinandá “Judá nga katabásjai je Jeobá Ninále chjotajchíngale kʼoa nga katasítjoson je kjoatéxomale”. Je Jeobá kisichikontʼain Asá, te nó nga ñaki nyʼán tsakatio kʼianga tíbatéxoma. Je Asá tsabe nga je Jeobá xi kitsjoale kjoanyʼán, kuinga i̱ kitsosínile naxinandá: “Jé tifasjee je Jeobá Nináná. Jé tifasjee, kʼoa je títsjoáná kjoanikjáya” (2 Crón. 14:1-7). Jméni xi koan nga koanskanni.
5. 1) Jósʼin tsakakó Asá nga ñaki je Niná kisinʼiotʼa yaole. 2) Jósʼin kichotsjoá nga Niná kisinʼiotʼa yaole je Asá.
5 Cha̱niyalai jkui tsa jilani je rey Asá. Kʼoa tsa jngo miyón chjotakjoajchán kʼoa jan siento karreta nroanrʼoe naxinandá Judá, kʼoa je séjnatítjonle “Zérah je chjota etíope” (2 Crón. 14:8-10). Kʼoa ji, to aon siento kao ñokan jmi sondado tje̱nkoai. Jaoya kʼoakji mani je, jósʼiain. A i sí: Ánni nga títsjoáʼndesíni Niná nga i̱ kjima. A toji si̱nʼiotʼai yaoli axo je Jeobá si̱jélai nganʼio. Jmeni xi kisʼin je rey Asá tsakakó nga nʼio miyole mani Jeobá kʼoa nga je kisinʼiotʼa. Nʼio tsakʼétsʼoale kʼoa i kitsole: “Tisenkaonáijin, ji Jeobá Ninánajin, nga̱ ñaki ji tininʼiotʼalaijin, kʼoa kao jaʼaínli jaʼainrʼoenijin chjotankjín jebi. Ji Jeobá, jiní Ninánajin. Ali tsa bʼaiʼndejin nga to chjota katasíkinjeli”. Jókisʼin je Jeobá. “Kisikjeson je chjota etíope.” Nijngojinla tsʼangi (2 Crón. 14:11-13).
6. Jósʼin chjénngiaa choa̱le Asá.
6 Ánni nga ñaki kʼoatsakʼésíni kon Asá nga Niná koandiaale kʼoa nga je sikuinda. Kuinga “kui kʼoakisʼin je xi ndatjín ngixko̱n Jeobá”, “je ni̱ma̱le Asá alikui jao kisʼe ngixko̱n Jeobá” (1 Rey. 15:11, 14). Kʼoati machjén nga kʼoasʼin si̱xálee je Niná, nga tsín jao katasʼe ni̱ma̱ná. Nʼio machjén nga kʼoasʼiaan tsa mená nga miyoná koa̱n nichxin xi tiyoaa ndʼaibi kao nichxin xi nroaján. Jé Jeobá títjon koanmele nga si̱chriantʼalee kʼoa basenkaoná nga miyole katamaa. Nʼio bʼailee kjoanda nga kʼoakisʼin. Jaola koya kataʼyaa jme xi kisʼin nga mele si̱chriantʼalee.
JE JEOBÁ KUI KJOABʼECHJÍNTJAILE ʼNDÍLE SÍCHJÉN NGA KOA̱NCHRIANTʼALEE
7. 1) Jmé xi tísʼín Jeobá kʼianga mele nga si̱chriantʼalee. 2) Jméni xi ngisa machriantʼanilee je Jeobá.
7 Je Jeobá tsakakó nga tsjoakená kʼianga kisinda Sonʼnde xi tiyosoán. Kʼoa nyaon nyaon tíbakó nga tsjoakená nga̱ títsjoáná kjoabijnachon (Hech. 17:28; Apoc. 4:11). Tonga xi ngisa chjíle kuinga títsjoáná je kjoankjíntokon xi tsʼe (Luc. 12:42). Je Jeobá kʼoatso nga jesoa nrʼoéná kʼianga bʼetsʼoalee (1 Juan 5:14). Tonga je xi ngisa síchriantʼaná je Niná kuiní kjoabʼechjíntjaile Jesús, kʼoa kao kjoabʼechjíntjai jebi tsakakóni Jeobá nga nʼio tsjoakená (tʼexkiai 1 Juan 4:9, 10, 19). Je Jeobá kisikasén ʼNdíle i̱ Sonʼnde nga tsakʼasjentjainá xi tʼatsʼe jée kao kjoabiya (Juan 3:16).
8, 9. Jmé xi kisʼin Jesús tʼatsʼe xi tjínndajinle Jeobá.
8 Je Jeobá kʼoati tsjoále kjoanda je chjota xi kʼia tsakatio nga kjesa tsinjin je Cristo nga katabasenkao kjoabʼechjíntjaile Cristo. Saʼnda nga kʼoakitso Jeobá nga kjoaʼaí xi kʼoasjentjai je chjotasonʼnde, xi kao je, ñaki jeni koanchjíntjai chjota, nga̱ ñaki be nga kuitjoson josʼin tsakʼéndajin (Gén. 3:15). Nga jenkjín siento nó jaʼato, je pastro Pablo kitsjoa kjoanda nga kʼoasʼin “Cristo tsakʼéchjíntjai xi tʼatsʼe”. Kʼoa kʼoakitso nga “kisikʼatoni jée xi jejaʼato” (Rom. 3:21-26). Tsa tsínlani tsakʼéchjíntjainá Jesús alikui koa̱n si̱chriantʼalee Niná.
9 Je Jeobá tsjoáʼndele chjota xi nangi tjío kon nga síchriantʼale tonga totʼatsʼee je Jesús. Je Biblia itso: “Tonga Niná bakókixi kjoatjaochale xi tʼatsaan nga Cristo kʼen xi tʼatsaan, kʼia nga tojo chjotajée nía” (Rom. 5:6-8). Je Jeobá kao Jesús alikui nga tsakʼéchjíntjaininá tsa bakinná nga koa̱nchjíntjé, kuinga kʼoakisʼinni nga nʼio tsjoakená. Je Jesús i kitso: “Niʼyajin xi koa̱n nga kjoaʼaíkonna, tsa je Nʼainá xi kisikasénna likui kjoaʼaíkao”. Kʼoa ñandia nga i̱ kitso: “Niʼyajin xi koa̱n nga kjoaʼaíkonna” (Juan 6:44; 14:6). Jósʼin machriantʼalee Jeobá xi totʼatsʼe Jesús. Kui nganʼiotsjele síchjén. Kao nganʼiotsjele Jeobá nga machriantʼanilee kʼoa kao kui basenkaoniná nga tosi tonda chrian kuiyolee ánni nga koa̱n kuiyosíñá ngantsjai nichxin (tʼexkiai Judas 20, 21). Tonga ijngolasa koya kataʼyaa jmeni xi kisʼin Jeobá kʼianga mele nga si̱chriantʼalee.
KUI BIBLIA SÍCHJÉN JE JEOBÁ NGA MELE SI̱CHRIANTʼALEE
10. Jósʼin basenkaoná je Biblia nga nichriantʼalee je Niná.
10 I̱ kjoaʼmiya jebi jekjoan teño librole Biblia kanichjén. Tsa tsínlani Biblia, jósʼin jchañá nga koa̱n si̱chriantʼalee je Niná. Jósʼin jchañá josʼin tíjna xi kjoabʼechjíntjai ʼmi kʼoa nga je Jesús síchjén Jeobá nga mele si̱chriantʼalee. Je Jeobá nganʼiotsjele kisichjén nga kichji je Biblia. Kʼoa yaa Biblia bakóná jokjoan je Jeobá kʼoa jmeni xi tjínndajinle. Tobʼelañá, ya Éxodo 34:6, 7 je Jeobá kʼoakitso jokjoan, i kitsole Moisés: “Jngo Niná xi tjínle kjoamatokon kʼoa xi mamake chjota, likui tokjoan síjtile yaole kʼoa nʼio tjínle kjoatsjoacha xi ñaki kjoakixi kʼoa kao xi ñaki kʼoatjín, kʼoa jmi mani xi bakóle je kjoatsjoacha xi ñaki kjoakixi, síchatʼa jñani saténgiaa jñani bitjatone kjoatéxoma kʼoa kao jée”. ʼYáni xi tsín koa̱nmele sichriantʼale jngo Niná xi kʼoakjoan jokjoan Jeobá. Je Jeobá bení nga ngisa koa̱nchriantʼalee kʼoa nga ñaki tsen koa̱nná nga tíjna kʼiatsa chótʼayá je Biblia.
11. Ánni nga kʼoénesínilee yaoná nga chótʼayá jokjoan je Niná kʼoa kao ndiaale. (Chótsenlai sén xi faʼaitʼa ya jña fitsʼiani kjoaʼmiya jebi.)
11 Ya jña fitsʼiani je libro Acerquémonos a Jehová itso nga tsoya josʼin nga miyoná koa̱n Niná: “Kʼiaa miyoná mani jngo chjota kʼianga nda ʼyaa, nga tsjoachaa kʼoa nga ʼyachjiá jmeni xi sʼín. Kuinga machjénsíni nga chótʼayá jokjoan Niná kʼoa jotjín je ndiaale, tojosʼin faʼaitʼa ya Biblia”. Bʼailee kjoanda je Jeobá nga nʼio choa ñʼai sʼin tíjna josʼin kichji je Biblia kʼoa nga majinná jotso.
12. Ánni nga chjota kisichjénsíni Jeobá nga kiski Biblia.
1 Ped. 1:12). Koanjin tsa je kiski je Énle Niná, tonga alikui mangóson je chjota. Je ánkje alikui kʼoatjío kon jotjío tokoán, alikui kui machjénle jmeni xi machjénná kʼoa alikui saténgi josʼin saténgiaa ñá. Je Jeobá be jebi, kʼoa kuinga chjota kisichjénsíni nga kiski je Biblia. Nga chjota kiski ñaki majinná josʼin kisikjaʼaitsjen kʼoa jokisatio kon je kʼoa kao chjota xi síkʼaxki̱. Majinná jokoanle kʼianga ba kisatio kon, nga jao kisatio kon, nga kitsokjon kʼoa nga kisatengi. Kʼoa kʼianga bʼexkiaa jokji tsjoa kisatio kon kʼoati tsjoa satío tokoán tsanda ñá. Joni tsa profeta Elías, ngatsʼi chjota xi kiski Biblia kʼoakoankjoan “joni tsa ñá” (Sant. 5:17).
12 Koanjin tsa ánkje kisichjén je Jeobá nga kiski je Biblia. Nga̱ kʼoati nʼio mandosinle xi tʼatsaan kʼoa jmeni xi nʼia (Ánni nga machriantʼasínilee Jeobá kʼianga ʼyaa josʼin tsabekon je Jonás kao Pedro (Chótsenlai párrafo 13 kao 15)
13. Jósʼe tokuin kʼianga bʼexkiai je kjoabʼetsʼoa xi tsakʼéjna Jonás.
13 Tobʼelañá, jókisʼe kon je Jonás kʼianga tokitokale xá xi kitsjoale Niná. A koanle jngo ánkje tsa jelani kiski jokjoan kisʼe kon je Jonás. Maijin, ngisa nʼio nda kisʼin Jeobá nga tije Jonás kisichjénni kʼianga kiski jme xi kisʼin. Tobʼelañá, je én xi kisichjén Jonás kʼianga kiski tʼatsʼe kjoabʼetsʼoa xi tsakʼéjnale Niná kʼianga ya tíjna ngindáchikon kui bakó jokisʼe kon. Kjoabʼetsʼoa jebi itso: “Kʼianga jekjimaʼinda, jé Jeobá jaʼaitsjenna” (Jon. 1:3, 10; 2:1-9).
14. Ánni nga majinsíniná jmeni xi kiski Isaías.
14 Ijngosa choa̱ tíjnaná xi tsʼe Isaías. Kʼianga jngo sén kisakole kʼoa tsabe je kjoajeyale Jeobá, ñaki tsabe yaole nga chjotajée kʼoa kitso: “¡Ma̱xóña! ¡Kuiyájian! Nga̱ likui nda tso je én xi nchja, Is. 6:5). A kʼoatso én xi kiski tsa jelani ánkje. Maijin. Tonga je Isaías koan kiski én jebi, kʼoa ñá nʼio nda majinná jokisʼe kon nga̱ kʼoati chjotajée maa.
kʼoa yaa tijnajinle je chjota xi tsín nda tso én nchja̱; nga̱ je xkoan jé kabe je Rey, je Jeobá xi tsʼe chjotakjoajchán” (15, 16. 1) Ánni nga nʼio nda majinsíniná jotjío kon xi kjaʼaí chjota. Jngola choa̱ kʼoasi. 2) Jméni xi koasenkaoná nga ngisa koa̱nchriantʼasalee Jeobá.
15 A koanle jngo ánkje kʼoakitso nga tsín bakinle kjoanda xi tísakóle jokitso je Jacob. A koanle kʼoakitso nga chjotajée ma, tojo kitso je Pedro (Gén. 32:10; Luc. 5:8). Tsa jelani ánkje, a kitsokjon josʼin kitsokjon je chjotale Jesús. A kjoanʼiojin koanchjénle nga kitsoyason je énnda chjotse kʼianga chjota kitjenngike josʼin kjoanʼiojin koanchjénle je pastro Pablo kao xi ngikʼa chjotale Cristo (Juan 6:19; 1 Tes. 2:2). Maijin, nga̱ je ánkje nʼio tse nganʼio tjínle kʼoa ñaki tsjení. Tonga ñá to chjotajéeñá. Kuinga majinsíniná jomale je xi kʼoati chjotajée joni tsa ñá. Kʼianga bʼexkiaa je Énle Niná ñaki tsjoa sʼe tokoán kʼianga bʼexkiaa jokji tsjoa kisatio kon je chjota xi kiski, kʼoa ñaki chjiʼndáñá nga kui bʼexkiaa jme kjoa xi jaʼatojin (Rom. 12:15).
16 Kʼiatsa si̱kjaʼaitsjenjiaan jmeni xi tso Biblia josʼin tsabekon Jeobá je choʼndale xi kixi kitʼale nichxin kjoatse ngisa nʼio nda jchaa jokjoan je Jeobá, jchañá jokji tsejta koan kʼoa jokji kjoatsjoacha tsakakóle kʼianga kisichriantʼale chjota jebi. Tsa kʼoasʼiaan ngisa jchaa jokjoan Jeobá, ngisa nʼio tsjoacha koaan kʼoa ngisa koa̱nchriantʼalee (tʼexkiai Salmo 25:14). *
KOAAN MIYONÁ KOA̱N NGANTSJAI JE JEOBÁ
17. 1) Jmé kjoafaʼaitsjen xi kitsjoale Azarías je Asá. 2) Kʼiáni nga jaʼatone kjoafaʼaitsjen xi tsakʼaile je Asá, kʼoa jósʼin kichotsjoá nga kʼoakisʼin.
17 Kʼianga jekisikinjele chjota etíope je rey Asá jngo kjoafaʼaitsjen tsakʼaile je kʼoa kao naxinandá. Je profeta Azarías kitsole: “Je Jeobá yaa tíjnakaono kʼianga ya tiyokao; kʼiatsa kjoásjao koa̱nsjaino; tonga tsa si̱kʼéjnao kʼoati sikʼéjnano tsanda je” (2 Crón. 15:1, 2). Tonga xijekoanni, je rey Asá kisichajin kjoafaʼaitsjen jebi. Kʼianga kichone xi te ntje̱le Israel, jé naxinandá Siria kisijéle nganʼio ʼndele nga je Jeobá sinʼiotʼa yaole jokisʼin nga títjon. Nga kʼoakisʼin Asá, je Niná kitsole: “Tojo chjotachini kinʼiai xi tʼatsʼe kjoa jebi, to kjoajchán sʼe̱li fitsʼiakjoanni ndʼaibi”. Kʼoa kʼoakoan (2 Crón. 16:1-9). Jméni xi tsoyaná jebi.
18, 19. 1) Jméni xi sʼiaan kʼiatsa jetinikjinlee Jeobá. 2) Jméni xi sʼiaan nga ngisasa koa̱nchriantʼalee Jeobá.
18 Alikui kuinyaxinlee je Jeobá. Kʼiatsa jetinikjin choalee je Jeobá, koanngíntjenngiaa kjoafaʼaitsjen xi faʼaitʼa ya Oseas 12:6: “Nroanrʼoeni je Nináli, katasʼeli kjoatsjoacha xi ñaki kjoakixi kʼoa kao kjoatéxomakixi, kʼoa je chóyalai ngantsjai je Nináli”. Si̱chriantʼasalee je Jeobá, si̱kjaʼaitsjenjiaan je kjoabʼechjíntjai xi kitsjoa kʼoa nda chótʼayajiaan je Biblia (tʼexkiai Deuteronomio 13:4). *
19 Je salmista kitso: “Kʼianga sichriantʼale je Niná nʼio nda síkaona” (Sal. 73:28). Kʼoati nda síkaoná tsanda ñá nga nichriantʼalee Niná. Tosi tonda chótʼayasaa xi tʼatsʼe Jeobá. Tsa kʼoasʼiaan sa tsjoacha sa tsjoacha koaan. Tsa si̱chriantʼalee kʼoati sichriantʼaná tsanda je, nichxin xi tiyoaa ndʼaibi kʼoa tokʼia saʼndani.
^ párr. 3 Salmo 145:18: “Je Jeobá chrian tíjnale ngatsʼi xi je básjai, ngatsʼi xi ñaki kjoaixi nga básjai”.
^ párr. 3 Chótʼajin rebista La Atalaya xi tsʼe 15 de agosto de 2012 jñani tso: “Existe un galardón para su actividad”, kui tínchja̱ni tʼatsʼe Asá.
^ párr. 16 Salmo 25:14: “Je xi miyole Jeobá jéní xi tsokjónke, kʼoa bakóle kjoasʼendajinle kʼianga katabe”.
^ párr. 18 Deuteronomio 13:4: “Jé Jeobá Nináno titsoma tje̱nngilao, kʼoa je tijkónchao, titjoson kjoatéxomale, tinóʼyao je énle, je tixálao kʼoa je tangíntʼalao”.