Jmeni xi chjonangiaa xi tʼatsʼe Biblia
A koaan kuinyakaoná je ánkje
Tojosʼin tsakasenkao nichxin kjoatse je Daniel, jngo xi choʼndale Niná koan, je ánkje kʼoatisʼin binyakao ndʼaibi je chjota nga katanrʼoé je Énle Niná
Kʼianga kjesa síndajin chjota je Niná, miyón ánkje kisinda (Job 38:4, 7). Jé Niná tjíosíxále ánkje jebi. Sakʼoa je síchjén Niná nga bándiaale kʼoa nga síkuinda je chjota xi sítjosonle (Salmo 91:10, 11). Nichxin xi tiyoaa ndʼaibi, je ánkje tjíobinyakao je chjota nga katabe je énnda chjotse xi tjíotsoyason je chjotale Jesús. (Tʼexkiai Apocalipsis 14:6, 7.)
A koaan nga je ánkje kʼoétsʼoalee nga katabinyakaoná. Mai, nga̱ je kjoabʼetsʼoa kui tsoyanile nga ʼyaxkoán Niná, kʼoa tojé xi bakinle nga jchaxkoán (Apocalipsis 19:10). Je ánkje to sítjoson jmeni xi tsole je Niná, ali tsakuijin nrʼoé jmeni xi tso je chjota. Kʼoa kuinga tojé Niná kʼoétsʼoanilee ngantsjai xi kao jaʼaínle Jesús. (Tʼexkiai Salmo 103:20, 21 kao Mateo 26:53.)
A tjín ánkje xi chʼao kjoan
Je ánkje kʼoatisʼin koannda joni chjotasonʼnde nga kʼoati tsakʼaile kjoandái nga koa̱n skoéjin xi ndatjín kao xi chʼaotjín. Tonga nʼio nkjín koanni xi tsín kisitjosonle Niná (2 Pedro 2:4). Je xi títjon yátsʼi̱n tsakasénle Niná jé Na̱i, kʼoati nkjín ánkje xi kʼoakisʼin kʼoa ánkjele Na̱i koan. Ali jotoxkón kji kjoatse, nga tsakichonsje ya ngʼajmi je Na̱i kao ánkjele kʼoa i Sonʼnde kinikʼatsaojenngi. (Tʼexkiai Apocalipsis 12:7-9.)
Saʼnda tjen nó 1914 sa tísʼe sa tísʼee kjoatsʼen kao kjoabixkan. Kʼoa kui xi bakó nga jemachrianle nga kjoaʼaxin Niná je Na̱i kao ánkje tsʼenle. Kʼoa je Niná ʼndenaxó sikao je Sonʼnde. (Tʼexkiai Apocalipsis 12:12 kao 21:3, 4.)