Jmeni xi chjonangiaa xi tʼatsʼe Biblia
A ñaki kisikjaʼáya kjoaixile kʼien je Jesús
Je Lázaro jeño nichxin kijnakʼien nga kisikjaʼáyale Jesús
Je Biblia kʼoatso nga kisikjaʼáyale Jesús je chjota xi jekʼien. Jmeni xi tso ali tsa to kuentojin. Ñaki faʼaitʼa kʼiani kʼoa jñani kʼoakoan. Tobʼelañá, kʼianga nó 31 nʼio nkjín chjota kikao Jesús tjen naxinandá Capernaum saʼnda naxinandá Naín. Kʼoa kʼianga kicho nʼio nkjín chjota tsabe xi jngo ti tjíofikʼéñe. Je Jesús kisikjaʼáyale ti jebi. Koaan koa̱nkjainná nga kʼoakoan nga̱ yaa Biblia faʼaitʼa kʼoa tsabe chjota nga kʼoakoan. (Tʼexkiai Lucas 7:11-15.)
Je Jesús kʼoati kisikjaʼáyale je miyole xi Lázaro tsakʼin xi jeño nichxin jekijnakʼien. Koaan koa̱nkjainná nga kisikjaʼáyale Lázaro nga̱ kʼoati nkjín mani je chjota xi ñaki tsabeni xko̱n. (Tʼexkiai Juan 11:39-45.)
Ánni nga kisikjaʼáyasínile kʼien je Jesús
Je Jesús koanmake chjota kuinga kisikjaʼáyanile. Kʼoati kuinga kʼoakisʼinni nga tsakakó nga je Nʼaile xi tíjna ngʼajmi kitsjoale nganʼio nga sikinjele je kjoabiya. (Tʼexkiai Juan 5:21, 28, 29.)
Nga kʼoasʼin kisikjaʼáyale kʼien je Jesús kui bakóná nga ñaki kʼoasʼin nichxin xi nroaján. Miyón chjota sikjaʼáyale, kʼoa saʼnda sikjaʼáyale je chjota xi tsín tsabe xi tʼatsʼe Niná. Chjota jebi koaan skoe̱ je Jeobá kʼoa koaan koa̱ntsjoake. (Tʼexkiai Hechos 24:15.)
Tsa kʼoati meli jchai xi tʼatsʼe jebi
XO̱N XI BÁJINKONNÁ
Ánni nga makjainsíniná nga sʼe̱ kjoafaʼáya
Jao koya tjínni xi bakóya ya Biblia ánni nga makjainniná tʼatsʼe kjoafaʼáya.
