XI NGISA TÍNCHJA̱NI REBISTA JEBI: KOAAN MIYOLE NINÁ KOAI̱N
Tsínsa josʼin nga nda kuiyoaa
Jméni xi sʼiain nga koa̱nchriantʼalai Niná. Jekaʼya choaa jmeni xi koa̱n sʼiain kʼianga miyole Niná koai̱n.
-
Kʼiaa nga jchai kʼoa nga si̱chjain je jaʼaínle Jeobá.
-
Kʼiaa nga ntsjaintsjai kʼoétsʼoalai kʼoa nga chótʼayai je Biblia.
-
Kʼiaa nga kui kʼoasʼiain ngantsjai jme xi sasénle Jeobá.
Kʼianga koa̱nchriantʼalai Niná, tichjain jaʼaínle, tʼetsʼoalai, chótʼayai Énle kʼoa kʼoatʼiain josʼin mele
A kʼoatinʼiai kʼianga tinichriantʼalai Niná. Jñánile xi chasali nga kʼoasʼiain. Kjoaixi nga tsín choa ñʼai tíjna nga kʼoanʼia, tonga kui tikjaʼaitsjain je kjoanda xi sʼe̱li kʼiatsa kʼoasʼiain.
Je Jennifer, xi Estados Unidos tsʼe, itso: “Tojmeni xi nʼia nga nimiyoaa je Niná ali tokjoatjaojin. Nʼio tse kjoanichikontʼain sʼená. Jolani nga ngisa manʼiotʼaa je Niná, ngisa majinná jokjoan, tonga xi ngisa chjíle, kuinga ngisa tsjoacha maa. Tsínsa josʼin nga nda biyoaa”.
Tsa meli nga koa̱nmiyolai Niná, koaan koasenkaoli je Testigole Jeobá. Koaan kʼoéndajin kao je nga katatsoyali Biblia. Alikui sikʼéchjíli nga kuitsoyali. Kʼoati koa̱n kʼuín ya Ndʼia jña kotʼaya je testigole Jeobá, yaa koa̱nmiyui je chjota xi bechjí nga miyole Niná ma. * Tsa kʼoasʼiain, kʼoati sʼe̱ tokuin jokisʼe kon je salmista. I kitso: “Tonga xi an, kʼianga sichriantʼale je Niná nʼio nda síkaona” (Salmo 73:28).
^ párr. 9 Tsa meli nga kʼuínyali Biblia kʼoa tsa meli nga jchai jñani tíjna je Ndʼia jña kotʼaya je testigole Jeobá, xi ngisa chrian koa̱nli, chjónangilai je xi katsjoáli rebista jebi kʼoa tsa maije̱ ya tijnyísjai ya Internet ya www.pr418.com/mau. Chótsenlai jñani “Tinókjoanáijin” tso, je xi tíjnangitsʼin ya pájina, kʼoa chjoéjin jñanile xi matsjoali xi ya faʼaitʼa.
Tsa kʼoati meli jchai xi tʼatsʼe jebi
XI NʼIO KJONANGI CHJOTA
Jósʼin bakoyalaijin Énle Niná je chjota
Nga kʼuínyali Biblia koaan si̱chjain tojñanile Biblia xi kijnali, koaan kʼoakʼuínlai familiali, miyoli kʼoa toʼyani xi meli.
KJOAJTÍN
Jméni xi ma kʼianga biyojtínjin
Kataʼyai jochon ya Ndʼia jña biyojtínjin kʼoa jme xi nʼiaijin.
