Je xtiʼndíno koa̱ntsjoake Niná kʼiatsa skoe̱ nga ñaki tíjna kʼoa skoe̱ nga je Niná kʼoati tsjoake. Kʼianga koa̱ntsjoake je Niná machjén nga skoe̱ xi tʼatsʼe (1 Juan 4:8). Tobʼelañá, machjén nga katabe jme xá kisindani Niná je chjota. Ánni nga títsjoáʼndesíni nga kjoañʼai tjín. Kʼoa jmé xi sʼin nichxin xi nroaján xi tʼatsʼe chjotasonʼnde. (Tʼexkiai Filipenses 1:9.)

Kʼianga koa̱ntsjoake Niná je ʼndíxtili machjénní nga katabe nga tsjoachai ji Niná. Kʼianga skoe̱ nga tsjoachai Niná, kʼoati koaitjenngi choa̱li. (Tʼexkiai Deuteronomio 6:5-7 kao Proverbios 22:6.)

Je Énle Niná tjínle nganʼio (Hebreos 4:12). Tʼinyalai je xtiʼndíli jmeni xi choa ñʼai tíjna xi faʼaitʼa Biblia. Kʼianga ñaki kitsaojin ni̱ma̱le je ʼndíxtili jme xi kʼuínyalai kʼoasʼin takoyalai jokisikao Jesús je chjotale. Je Jesús kiskonangile, kinrʼoéle kʼoa kitsoyale jme xi tsín koanjinle. (Tʼexkiai Lucas 24:15-19, 27, 32.)

Je Biblia bʼéyanajmí josʼin tsabekon Niná je chjota kʼoa jebi koasenkao je ʼndíxtili nga skoe̱ Niná kʼoa nga tsjoake koa̱n. Je xo̱n xi kʼoasʼin tjíonda nga kuinyakao je xtiʼndí yaa faʼaitʼa ya www.pr418.com. (Tʼexkiai 2 Timoteo 3:16.)