Jmeni xi chjonangiaa xi tʼatsʼe Biblia
Jmé xi choyalee nichxin xi nroaján
Xi totʼatsʼe kjoabiyale Jesús alikui tisʼe̱ni je xi toje koaini yaole. a ñaki kʼoakoa̱n
Je chjota científico tosi tondasa koa̱nsjaile jme xi sʼin. Tonga a kuinyakao chjota nga nda koatio, nga koa̱nndosinle xínkjín. Maijin. Nichxin xi tiyoaa ndʼaibi toje fini yaole chjota. Tonga je Niná kui xi mele nga nda kuiyoaa. (Tʼexkiai 2 Pedro 3:13.)
Je Biblia kʼoatso nga kjoatsjoacha sʼe̱ ngakjijnda Sonʼnde nichxin xi nroaján. Je chjota alijme xi titsokjonnile kʼoa alikui tiʼya xi josikaoni xínkjín. (Tʼexkiai Miqueas 4:3, 4.)
A kuicho nichxin nga tsín titoje koaini yaole chjota
Kʼianga sʼa kisinda Niná je Adán, chjota xi títjon koannda, ñaki chjotatsjení, alikui kui kisikjaʼaitsjen tsa toje koaini yaole. Tonga kʼianga tsín titsakʼaʼénnile Niná, alikui tichjotatsje koanni. Kʼoa ñá toje jée kichʼá nga tsiaan, tokui síkinjená kʼoa toñá mangínñá yaoná. Tonga je Niná jé Jesús sichjén nga chjotatsje koa̱n ijngokʼá. (Tʼexkiai Romanos 7:21, 24, 25.)
Kʼianga kisitjoson Jesús jme xi mele Niná, kitsjoa kjoabijnachonle. Kʼoa kʼoasʼin tsakjaʼáxin je jée xi kisoko kʼianga tsín tsakʼaʼén je Adán (Romanos 5:19). Nga kʼoakisʼin Jesús, je chjota koaan kui skóyale xi ndatjín nichxin xi nroaján, nga tsín tiʼya xi titoje koaini yaole kʼoa tsín tijée kʼoani. (Tʼexkiai Salmo 37:9-11.)
Tsa kʼoati meli jchai xi tʼatsʼe jebi
XO̱N XI BÁJINKONNÁ
Je én xi tongini kinokjoa xi kuitjoson
Nʼio nkjín én xi tongini kisʼetʼa Biblia xi jekitjoson kʼoa xi kʼoatso jmeni xi koa̱n nichxin xi nroaján.
XO̱N XI BÁJINKONNÁ
Je Niná jeme kjoaʼaxin je kjoañʼai xi tjín
Jómani ʼyaa nga jeme kjoaʼaxin Niná je kjoañʼai xi tjín kʼoa kao xi tsín kixi tjín.
