Jotjínni xi tʼatsʼe Chjotaxále Niná
Je Jesús isʼin tsakakóyale je chjotale kʼianga kʼoetsʼoa: “Nʼainajin xi tijnai ngʼajmi, kataʼyaxkón jaʼaínli. Katjinroa kjoatéxomali. Kʼoakatasʼín josʼin nga meli, joni ya ngʼajmi kʼoatisʼin i̱ sonʼnde” (Mateo 6:9, 10). Je xi kjoatéxoma kitsole Jesús kui je Chjotaxále Niná. Jmé xi tísʼín Chjotaxá jebi. Ánni nga kui Chjotaxále Niná si̱jésíñá nga kʼoétsʼoaa.
Jé Jesús xi Rey sʼin tíjnale je Chjotaxále Niná
Lucas 1:31-33: “Jesús. Jebi chjotajeya koa̱n, kʼoa kʼuínle ʼndíle Niná xi nʼio ngʼa tíjna. Je Nainá Niná tsjoále yáxilele David nʼaile. Jé koatexoma ntsjaile chjota ndʼiale Jacob. Kʼoa je kjoatéxomale likui kjoetʼa”.
Tʼatsʼe Chjotaxále Niná xi nʼio kitsoyason je Jesús
Mateo 9:35: “Jesús tsʼamjejinjnda naxinandá kao ngichao, tsakakóya ya ndʼia sinagoga xi tsʼe, kʼoa kinchjaya je énnda xi tʼatsʼe kjoatéxomale ngʼajmi, kʼoa kisinda ngayije chʼin, kao ngatsʼi xi koanʼaonle ya naxinandábe”.
Je Jesús kitsoyale je chjotatjenngile jmeni xi koa̱n nga to jetíjnachrian Chjotaxále Niná
Mateo 24:7: “Kuisótje̱nne naxinandá kontrale xi kjaʼaí naxinandá, kʼoa kjoatéxoma kuisótje̱nne xi kjaʼaí kjoatéxoma. Sʼe̱ chʼin, kʼoa sʼe̱ kjinrá, kʼoa cháon kjoaʼa nkjín ʼnde”.
Je chjotatjenngile Jesús tjíotsoyason xi tʼatsʼe Chjotaxále Niná jngo tjíjtsa Sonʼnde
Mateo 24:14: “Je énnda xi tʼatsʼe je kjoatéxomale ngʼajmi kuinókjoayani ngakijnda sonʼnde, nga si̱kixiyandale ngatsʼi naxinandá. Kʼia kjoaʼaí xi kjoetʼa”.
Tsa kʼoati meli jchai xi tʼatsʼe jebi
XI MACHJÉN NGA JCHAA
Jméni je xi kjoatéxomale Niná tsole Biblia
Nga kitsoyason je Jesús, je xi ngisa kinchja̱ni kui tʼatsʼe kjoatéxomale Niná. Jenkjín siento nó nga kui tjíosíjé chjotale Jesús nga katanroa kjoatéxoma jebi.
A ʼYANÍ JME XI TÍNCHJANI JE BIBLIA
Je Jesús kui tsakakóyason tʼatsʼe je Rey xi kiskoejin Niná
Jméni xi ngisasa nʼio kinchja̱ni Jesús nga kitsoyason. Jósʼin tsakakó nga kao kjoatsjoacha kʼoa kao kjoatéxomakixi koatexoma.
