“Katanroa Chjotaxáli”: Millón mani chjota xi kʼoatso nga bʼétsʼoa
A sakʼoa kui Chjotaxále Niná nijái kʼianga bʼetsʼoai. Jokji jetífaʼato nichxin millón mani chjota xi kʼoatso nga bʼétsʼoa. Ánni. Kuinga je Jesús xokitsole je chjotatjenngile nga i̱sʼin katabʼétsʼoa: “Katanroa Chjotaxáli”.
Nga títjon, je chjotatjenngile Jesús alikui ndi̱to̱n koanjinle jotjínni xi tʼatsʼe Chjotaxále Niná. I kitso ñandiale je Jesús: “Señor, a kʼoéndaya ngijngokʼalai chjota Israel je kjoatéxoma kui nichxinbi”. Tsakui nichxin tokʼoakoanle nga tsín kʼoakitsole Jesús kʼiákjoánni kjoaʼaí je Chjotaxále Niná (Hechos 1:6, 7). Ninga kʼoalani, ali tsakuijin xi tsonile nga tsínkʼia jchaa jméni je xi Chjotaxále Niná ʼmi kʼoa kʼiáni kjoaʼaíkatéxoma.
Je revista jebi kui kuitsoyaná xi tʼatsʼe jebi:
Ánni machjénniná je Chjotaxále Niná.
ʼYáni xi Rey sʼin tíjnale.
Kʼiáni koatexoma i̱ Sonʼnde.
Jméni xi sʼin je Chjotaxále Niná.
Ánni machjénni nga kʼoainganʼiolee ndʼaibi.
Jméni je xi Chjotaxále Niná ʼmi.
Tsa kʼoati meli jchai xi tʼatsʼe jebi
XO̱N XI BÁJINKONNÁ
Ánni nga si̱jésínilee Niná nga katanroa Chjotaxále
Jméni xi sʼin je Chjotaxále Niná xi tsín koa̱nle kʼoasʼin je chjotaxá sonʼnde.
XI MACHJÉN NGA JCHAA
Jméni je xi kjoatéxomale Niná tsole Biblia
Nga kitsoyason je Jesús, je xi ngisa kinchja̱ni kui tʼatsʼe kjoatéxomale Niná. Jenkjín siento nó nga kui tjíosíjé chjotale Jesús nga katanroa kjoatéxoma jebi.
