Tijélai Niná nga katasíchikontʼainli
Je kjoanda xi tjínná kuinga ma chjakaonajmiá Niná kʼoa ma kʼoaʼmilee jotjín tokoán. Je profeta David (Daud) i kitsole Niná: “Ji xi noʼyai kjoabʼetsʼoa, kjoaʼaínrʼoeli tojokji chjotani” (Salmo 65:2). Tonga jósʼin kʼoétsʼoalee Niná nga katanrʼoéná kʼoa nga katasíchikontʼainná.
NI̱MA̱LI KATANROAJINNI NGA KʼOÉTSʼOALAI NINÁ
Salmo 62:8 itso: “Kʼoatʼinlao jotjío je ni̱ma̱no”. Kʼianga kʼoétsʼoalee Niná koaan kʼoakʼuínlee jotjío tokoán. Je Niná bechjí nga ni̱ma̱ná nroajinni nga bʼetsʼoalee.
KUI JAʼAÍNLE NINÁ TICHJAIN NGA KʼOÉTSʼOAI
Ningalani nkjín koya josʼin bʼaijaʼaínle Niná tojngo mani xi ñaki jaʼaínle, je Biblia itso: “Anña Jeobá. Kui jebi jaʼaínna” (Isaías 42:8). Ñatola jmi kʼa faʼaitʼa je jaʼaínle Niná ya Biblia. Je profeta kui jaʼaínle Niná kisichjén nga tsakʼétsʼoa. Je profeta Abrahán i kitso: “Jeobá, [...] tʼaiʼndenái nga kuinchjalasa” (Génesis 18:30). Ñá kʼoati koa̱n si̱chjén je jaʼaínle Niná nga kʼoétsʼoaa.
KUI ÉN XI NOKJOAI TICHJAIN NGA KʼOÉTSʼOAI
Je Niná majinle jotjío tokoán ninga kjaʼaí kjaʼaí én nokjoaa. Je Biblia itso: “Niná tongóson fikao ngatsʼi. Tojñani sonʼnde, je xi tsokjónke Niná, xi sʼín xi kjoakixi, Niná tjaokení” (Hechos 10:34, 35).
Tonga kʼianga sichikontʼainná Niná ali tsa tokuijin xi machjén nga kʼoétsʼoalee. Ya kjoaʼmiya xi fisani kui jchaa jmesani xi machjén nga sʼiaan.
